八不·壽喜燒

營業中

休息中

星期日想食好啲，就去咗位於太子大南街嘅八不壽喜燒。呢間係間高級壽喜燒，同朋友舒舒服服食反餐，傾下偈！入到去裝修好有就日式木系風格，坐既位置唔係好多，但坐得好舒服，職員態度親切。餐廳有唔同壽喜燒嘅套餐，亦有唔同國家出產嘅牛肉同熟食，好多選擇！今次我哋叫咗一人和牛封門柳壽喜燒套餐，上枱時色澤豐滿，蔬菜五顏六色，和牛封門柳肥膏肥瘦均勻。店員亦會介紹壽喜燒食法同埋幫忙燒。店員一開始會加入壽喜燒汁及洋蔥吊香味道，再煎封門柳油。壽喜燒汁濃郁，唔會好甜。 封門柳油脂味十足，好有咬口，帶出咗壽喜燒汁嘅鮮味。再將牛肉點上蛋汁，份外美味！套餐亦包括蔬菜，有娃娃菜、冬菇、金針菇、白菜等，全部都好新鮮，配上壽喜燒汁同蛋汁，每啖都好掛汁，好和味！吉列海鮮拼盤二人盛-除咗壽喜燒，仲叫咗個炸物。黎到時好豐盛，有大蝦、帶子同蠔，每樣都好大隻，啖啖肉，炸到金黃色，好香脆！