阿木台灣麵 (豉油街)

營業中

休息中

今天夜收工，直接係旺角食埋飯，朋友介紹有間台式小店門口好多人排隊，好奇就去睇下有無岩食既野。同朋友睇左下餐牌都覺得款式幾好，又岩口味，就拎左飛排隊等。等左一陣終於輪到我地，佢地用手機掃QRcode落單，非常方便。我地叫左主打既台式牛肉麵，蚵仔酥同埋台式炸大腸，而飲品就叫左台式珍珠奶茶同埋粒粒蜜桃四季春。廚房上菜既速度都幾快，紅燒牛肉麵既份量好多下，有兩大塊牛肉同埋軟滑既牛筋，厚切牛肉見到有筋又有肉，好軟淋♥️湯底濃郁唔油，食到最後差唔多飲晒。佢個麻辣醬好好食，麻香有緻又唔算太辣，最後外賣左一樽帶返屋企慢慢食☺️炸大腸真係要比個讚，完全唔會太多肥膏，炸得乾身又脆。蚵仔酥應該係即炸嘅，卜卜脆既外層包住肥肥既蚵仔，配上個椒鹽粉真係好味。飲品方面唔會太甜，又有得揀冰量，我揀左杯四季春好清新又可以解滯。