更多
2021-09-13
573 瀏覽
荃灣多嘢食就係人都知… 睇咁多競爭下,今次我哋試下呢一間長龍人氣台式火鍋,為免呆等,首先攞飛,然後再去Donki行個圈,輪候時間都差唔多接近一個半鐘,所以想試嘅朋友記得做足心理準備唔好諗住一嚟到就有得食台式麻辣火鍋有鴨血同豆腐無限量添加,鴨血誘惑😍個湯底好香濃,唔係好辣,不過夠晒麻香,另外鴨血好滑夠Q彈,店員都相對主動幫你加鴨血同豆腐,感覺真係好似去咗台灣咁鴨腸 & 紐西蘭羔羊肉片鴨腸好爽,不過時間唔可以淥太耐,淥幾秒一卷埋就要拎上嚟。羊肉片一般般,可以留肚食其他美國特選牛小排配麻辣火鍋一流萵筍 & 蟶子另外佢個珍珠奶茶都好好飲,雖然一杯好多冰但係好夠茶味,一啲都唔馬虎,打邊爐一流
張貼