螢火

今日獨自岀尖沙咀返工，去左加連威老道既螢火食午餐(之前同事強力推介🔥)，一夠鐘已經即刻過嚟，已經好多人排隊😳，好彩我單人都快有位😎👉🏻蒸蛋，呢個蒸蛋真係相當優秀🏆，雞蛋蒸得剛剛好，非常之滑捋捋，仲有蟹柳喺入邊添呀！🫶🏻 相當之好味👍🏻👉🏻鴨胸沙律，極愛食鴨胸嘅我，非常之鍾意，要俾10個like ！👄好鍾意佢嘅沙律，有生菜、粟米，重點係佢冇落沙律醬啊！非常之健康啊🫂 加上我唔係咁鍾意食黑醋，非常之適合我呀！👉🏻蔥拖羅飯，呢個拖羅飯就正囉！淨係見到賣相都已經流晒口水，咁啱隔離枱都係上咗個飯，我等緊嗰陣個心簡直係囉囉攣👀終於到我有得食啦，啖啖肥美嘅拖羅🫦 加上非常之香口惹味嘅蔥🌱撈埋啲飯食，加埋啲豉油簡直係人間美食啊！🗣🗣同事真係冇介紹錯呢間人氣午市食堂，真係每一樣食物都做到好細緻同完美，完全冇挑剔嘅地方，大力推薦大家都要一齊嚟食呀😍