影片
更多
2023-04-24
49 瀏覽
呢間小店主打韓國料理，餐廳主要用白色同藍綠色做裝修，簡潔清新，加上友善親切嘅員工，感覺好舒服，小店由一對港韓夫婦經營，所以將好多韓國家鄉嘅秘製配方帶咗過嚟小店，全部菜式都好地道，份量又足而且性價比高。餐廳除咗可以單叫食物，仲有二人同四人套餐選擇，好方便，一坐低餐廳仲俾咗兩點小碟開胃前菜我地（醃泡菜同芽菜），今次同朋友選擇咗二人套餐($228)，裏面已經包咗幾款食物主菜同飲品，又豐富又飽肚煎雞蛋卷可以揀原味或者芝士味，我哋揀咗原味，雞蛋卷大大件，咬落厚實但又保持到雞蛋個芯係半熟，有層次感而且好香蛋味，上面灑咗香蔥同芝麻粒，令成個蛋卷更加香口韓國紫菜飯卷有四款味道選擇，有吞拿魚/五花腩/牛肉/菠菜，今次試咗吞拿魚味，吞拿魚撈左魚醬，好鍾意個醬汁，整得好香甜，令吞拿魚嘅鮮味更加提升，而且件件都好大件同餡料好足料，再配埋蘿蔔絲，雞蛋絲，醃黃瓜，菠菜，紫菜同芝麻一齊食，口感同層次感十足，味道又好食厚切五花腩芝士泡菜拉麵都好足料，五花腩肥瘦均勻，而且又厚又大塊，加埋泡菜，半溶芝士，生雞蛋同辣辣地嘅湯底一齊食好滋味韓式無骨炸雞即叫即炸，金黃香脆，佢比起平時食嘅韓式炸雞mini，不過炸粉整得幾薄身，咬
餐廳除咗可以單叫食物，仲有二人同四人套餐選擇，好方便，一坐低餐廳仲俾咗兩點小碟開胃前菜我地（醃泡菜同芽菜），今次同朋友選擇咗二人套餐($228)，裏面已經包咗幾款食物主菜同飲品，又豐富又飽肚
煎雞蛋卷可以揀原味或者芝士味，我哋揀咗原味，雞蛋卷大大件，咬落厚實但又保持到雞蛋個芯係半熟，有層次感而且好香蛋味，上面灑咗香蔥同芝麻粒，令成個蛋卷更加香口
韓國紫菜飯卷有四款味道選擇，有吞拿魚/五花腩/牛肉/菠菜，今次試咗吞拿魚味，吞拿魚撈左魚醬，好鍾意個醬汁，整得好香甜，令吞拿魚嘅鮮味更加提升，而且件件都好大件同餡料好足料，再配埋蘿蔔絲，雞蛋絲，醃黃瓜，菠菜，紫菜同芝麻一齊食，口感同層次感十足，味道又好食
厚切五花腩芝士泡菜拉麵都好足料，五花腩肥瘦均勻，而且又厚又大塊，加埋泡菜，半溶芝士，生雞蛋同辣辣地嘅湯底一齊食好滋味
韓式無骨炸雞即叫即炸，金黃香脆，佢比起平時食嘅韓式炸雞mini，不過炸粉整得幾薄身，咬落熱辣辣脆卜卜又啖啖肉，雞肉亦非常嫩滑juicy，點埋自家製嘅甜酸醬，甜甜辣辣幾惹味
飲品方面餐廳供應各款港/韓罐裝飲品，沙冰同埋酒精類飲品，今次我哋揀咗沙冰試吓，士多啤梨牛奶沙冰同蜜桃牛奶沙冰都整得好香濃，而且口感細緻棉密，清甜開胃總括嚟講餐廳無論食物服務質素同性價比都好好，會再encore
.
張貼
