泰中意 (已搬遷) 新店位置

過咗外國讀書幾年終於返咗香港，超級勁掛住呢間嘅泰式無骨海南雞飯，以前呢間小店喺顯徑，我住喺附近，所以成日去食，每次都係食海南雞飯…佢嘅海南雞飯真係好好味，皮爽肉嫩，又有雞味，配埋三款特色醬汁加埋個香茅油飯一齊食真係好正去到外國食唔返，一直都覺得好回味…返嚟香港知道佢哋搬咗去馬鞍山當然要再去食佢哋嘅海南雞飯啦…見到老闆娘兩母女仲係度，竟然仲認得我實在窩心佢哋嘅海南雞一啲都無變，仲係咁好味，我一定會過嚟食，除咗海南雞好味，仲有人情味都十分緊要