影片
更多
2025-02-18
405 瀏覽
🧧迎春接福賀年下午茶｜💰$480起（至少兩位用）🏮中式精緻餐點x4個＋甜品x5件＋氣泡酒x2＋無限任食的雞蛋仔、雪糕Hyatt Centric係新鴻基同Hyatt酒店集團合作嘅一間酒店，位處北角海濱走廊旁邊，係2018年落成嘅五星級酒店🏨相比起傳統嘅文華/新派嘅瑰麗，佢嘅價錢親民得多，而且可以睇住維港海景食Tea，都真係幾唔錯～🌊🍊炆原隻澳洲鮑魚鮑魚有半個拳頭咁大✋🏻食落絕對唔係超市買到嘅罐頭/包裝貨，醬汁有啲菇味，感覺加入小小西式做法，類似蘑菇湯+燒汁嘅汁去炆，又淋又入味🤤🍊日本北海道刺參、蘆荀海參都頗大隻，夠淋+軟身，入面包左舊粉粉地嘅食材，口感更有層次👍🏻🍊炖燕窩、花膠、白果、紅棗幾特別係一個湯，通常食燕窩都係甜品，第一次食到咸嘅款式；非常足料，花膠同燕窩都有好多舊(˶‾᷄ ⁻̫ ‾᷅˵)🍊紅燒肉醬汁好食，相比起傳統東坡肉更有咬口，但唔係老✨蘋果糖水、紅棗、桂圓餐牌寫雪梨，但上左蘋果。anyway，賣相💯～✨腐竹、蓮子百合泡芙第一次見嘅組合，但意外地夾同好食，三款甜品之中最好食(⁎⁍̴̛ᴗ⁍̴̛⁎)✨青蘋果雲呢拿撻青蘋果嘅酸同雲呢拿嘅香完美balance，係甜品第二名💕✨柑桔幕絲、燴洋梨賣相好
🏮中式精緻餐點x4個＋甜品x5件＋氣泡酒x2＋無限任食的雞蛋仔、雪糕
Hyatt Centric係新鴻基同Hyatt酒店集團合作嘅一間酒店，位處北角海濱走廊旁邊，係2018年落成嘅五星級酒店🏨相比起傳統嘅文華/新派嘅瑰麗，佢嘅價錢親民得多，而且可以睇住維港海景食Tea，都真係幾唔錯～🌊
🍊炆原隻澳洲鮑魚
鮑魚有半個拳頭咁大✋🏻食落絕對唔係超市買到嘅罐頭/包裝貨，醬汁有啲菇味，感覺加入小小西式做法，類似蘑菇湯+燒汁嘅汁去炆，又淋又入味🤤
🍊日本北海道刺參、蘆荀
海參都頗大隻，夠淋+軟身，入面包左舊粉粉地嘅食材，口感更有層次👍🏻
🍊炖燕窩、花膠、白果、紅棗
幾特別係一個湯，通常食燕窩都係甜品，第一次食到咸嘅款式；非常足料，花膠同燕窩都有好多舊(˶‾᷄ ⁻̫ ‾᷅˵)
🍊紅燒肉
醬汁好食，相比起傳統東坡肉更有咬口，但唔係老
✨蘋果糖水、紅棗、桂圓
餐牌寫雪梨，但上左蘋果。anyway，賣相💯～
✨腐竹、蓮子百合泡芙
第一次見嘅組合，但意外地夾同好食，三款甜品之中最好食(⁎⁍̴̛ᴗ⁍̴̛⁎)
✨青蘋果雲呢拿撻
青蘋果嘅酸同雲呢拿嘅香完美balance，係甜品第二名💕
✨柑桔幕絲、燴洋梨
賣相好精緻，柑桔酸味比較突出，入面仲有洋梨粒果肉🤣
✨桂花馬德蓮
有三款醬，烏龍奶油勁好食，蘋果醬偏甜，🐻生至愛clotted cream
🖤黑芝麻雞蛋仔
超級好食，外脆內軟，勁香黑芝麻味，食落完全唔膩，連食幾塊都得，雞蛋仔愛好者真係可以食到回本🤣
🖤6款雪糕
下午茶食得太飽嘅關係，冇試晒6款，淨係揀左黑芝麻、芒果、士多啤梨、雲呢拿，另外仲有椰子、抹茶。黑芝麻意外地超好食🤤味道好香濃，芒果同雲呢拿都不錯～
整體黎講真係好抵，係5星級酒店望海景嘆下午茶都係500蚊左右一個人，包咗鮑魚海參仲有一堆任食甜品，食完行下北角海傍都幾chill🌊～
張貼
