影片
更多
2022-01-16
2181 瀏覽
屯門💜JEP by Involtini每日鮮製必試香濃龍蝦自家製意大利粗麵！JEP by Involtini是連續四年獲米芝蓮推介、以handmade pasta聞名的銅鑼灣名店Involtini Italian Cuisine的姊妹店，創辦人兼主廚Jack Law入行十多年，曾於米芝蓮三星意大利餐廳8½ Otto e Mezzo BOMBANA工作，負責手製意粉，後來亦為CIAK – In The Kitchen意大利餐廳奪下一星。於2016年創立Involtini，同樣以手製意粉為主打，一年後已獲米芝蓮推介餐廳榮譽。帶著如此亮麗的成績表，位於屯門區的JEP by Involtini，繼續以每日新鮮製作的手造意粉為主菜，並以親民casual面貌示人，午市套餐不過$78起，非常貼地。店內保留了Involtini的招牌菜Carbonara意粉，其他菜式就在食材或配搭上都有細微改變。屯門分店成日Full Booking，今次食都要一個月前的一個早晨訂位！酸種麵包、黑麥麵包頭盤為兩款自家製麵包。烘熱嘅麵包口感外脆內軟有嚼勁，酸種麵包會有輕微酸味，黑麥麵包就帶麥香。配搭自家製意大利黑醋牛油同橄
每日鮮製必試香濃龍蝦自家製意大利粗麵！
JEP by Involtini是連續四年獲米芝蓮推介、以handmade pasta聞名的銅鑼灣名店Involtini Italian Cuisine的姊妹店，創辦人兼主廚Jack Law入行十多年，曾於米芝蓮三星意大利餐廳8½ Otto e Mezzo BOMBANA工作，負責手製意粉，後來亦為CIAK – In The Kitchen意大利餐廳奪下一星。於2016年創立Involtini，同樣以手製意粉為主打，一年後已獲米芝蓮推介餐廳榮譽。
帶著如此亮麗的成績表，位於屯門區的JEP by Involtini，繼續以每日新鮮製作的手造意粉為主菜，並以親民casual面貌示人，午市套餐不過$78起，非常貼地。店內保留了Involtini的招牌菜Carbonara意粉，其他菜式就在食材或配搭上都有細微改變。
屯門分店成日Full Booking，今次食都要一個月前的一個早晨訂位！
酸種麵包、黑麥麵包
頭盤為兩款自家製麵包。烘熱嘅麵包口感外脆內軟有嚼勁，酸種麵包會有輕微酸味，黑麥麵包就帶麥香。配搭自家製意大利黑醋牛油同橄欖油，黑醋嘅酸香溫醇，相當醒胃。
水牛芝士蕃茄湯
香濃creamy帶少少橄欖油，水牛芝士的蕃茄湯，口感順滑，好似食緊蕃茄肉，健康冇負擔。
水牛芝士麵包粒蕃茄青瓜沙律
大大嚿水牛芝士好creamy，烘乾麵包粒脆卜卜，蕃茄仔juicy，青瓜爽口，醋帶少少酸，超fresh又開胃。
龍蝦自家製意大利粗麵
這道料理需要提前一天預訂先有！龍蝦自家製意大利粗麵，肉質彈牙爽口而且更鮮甜。醬汁用上紅蝦醬，檸檬，水牛芝士，蝦頭還有少少蝦膏，大大嚿蝦肉，蝦肉軟嫩。 自家製粗麵同半風乾番茄都吸收晒龍蝦嘅鮮甜精華，粗麵口感偏硬身有嚼勁，每條都沾滿醬汁，啖啖濃郁香味，令人印象深刻。
“自己整”提拉米蘇
可以畀各位大朋友同小朋友DIY嘅Tiramisu，將手指餅乾、濃縮咖啡抽出嚟，建議食法係食之前先將手指餅乾淋上濃縮咖啡，再加上用馬斯卡彭芝士製作嘅芝士蛋糊同可可粉。
📌 JEP by Involtini
☎️ 3482 9883
📍 屯門良德街8號珀御地下G05號舖
張貼
