杜老誌大飯店 (已結業)

之前同朋友聚會，去過灣仔呢間《杜老誌》食小菜，印象最深刻就係五光十色的懷舊裝修，今晚再去原來已經改為(火鍋餐廳)，不過同樣出色😊！火鍋海鮮船⛵️ $388完全足夠2人食用，肉蟹(大隻又實肉)，聖子皇、蜆(無沙好乾淨)，蝦、鮑魚(爽口又鮮甜)，鱔片、鯇魚(新鮮)👍🏻👍🏻！西班牙豬肉🐷＄82豬肉片肥瘦適中，薄切又快熟，淥一淥就食得😋！紫菜炸響鈴 $52熱辣辣即炸超脆口，加入埋紫菜就更香口👍🏻，放係膠籃內連賣相都特別有風味，美中不足既係，我地點咗個沙嗲湯底，食起來有點膩😅！黃金鮮魷＄82即叫即炸，加入鹹蛋黃當然冇得輸，香口之餘亦特別惹味👍🏻👍🏻！