五武士 (已結業)

開年飯又要食餐好嘅！呢間五武士係响K11 Musea 嘅新開業日式餐廳，餐廳淨係個名都已經好有意思，代表左五個唔同嘅餐飲元素：本地品牌少爺啤手工啤酒、雞尾酒吧、鐵板燒丶串燒、清酒+葡萄酒，分布喺餐廳唔同嘅區域，好有特色～午餐set有好多選擇，仲有串燒廚師發辦set 、廚師發辦鐵板燒餐等，價錢由二百幾至到六百幾不等，豐儉由人，我今次就一於試咗鐵板燒餐先，$550/位。有前菜、沙律、鐵板燒兩款、麵豉湯、炒飯同埋甜品🍮 好豐富～日式蔬菜沙律🥗包含多款沙律菜、車厘茄、紅玉蘿蔔，配搭日式醬汁，酸酸甜甜好開胃～開胃前菜小松菜+豆卜+甘筍絲，甜甜地充滿日式風味。✨鐵板燒✨北海道帶子北海道帶子大大隻好鮮甜，中間仲有少少流心嘅口感，外皮煎得脆脆地，七成熟外脆內軟，以清湯浸住，仲配有各種雜菌，鮮甜美味～鐵板銀雪魚配松露汁🐟銀雪魚煎得好香，尤其是魚皮嘅位置，形成咗脆卜卜嘅薄片，松露汁好香濃，配搭肉質鮮嫩嘅嘅魚肉一流呀！配料仲有白苦瓜+甜薯+意大利青瓜，口感清爽。鐵板日本燒汁華味雞🐓日本嘢果然唔同啲，雞味濃， 煎成脆皮，外脆內軟，肉質Juicy！配搭燒汁真係冇得輸呀～澳洲黑毛豬入面嘅豬🐖由於唔食牛肉，所以轉左