影片
更多
2022-12-18
205 瀏覽
車車個人真係極中意關西風嘅壽喜燒, 因為油脂較重, 煎嘅時候會迫出更多油份同味道! 話說好耐之前同朋友慶祝生日果陣食過一次覺得好正, 最近天氣凍凍地, 今晚就約埋好姊妹一齊去食過! 餐廳位於觀塘嘅駱駝漆大廈, 枱與枱之間都有屏幕相隔, 私人度幾高, 可以同朋友暢所欲言, 而且全程都有店員幫你燒, 唔洗驚自己燒得唔好浪費左塊肉又可以專心食同朋友吹下水, 好爽! 車車同朋友就揀左兩個Set B日本産A5和牛, 包括左六個不同部位, 仲有蔬菜拼盤, 白飯任裝, 車車忍唔住食左3碗! 最尾仲要有多個炒飯同埋甜品, 真係好抵食! 🌟前菜未食主食已經有前菜3小碟, 有自家A5和牛餃子／拖羅魚蓉最終餅／泡菜大根, 順住次序食, 佢地嘅自家A5和牛餃子片薄餡大, 食落油分充足, 牛味濃郁好juicy, 第二款拖羅魚蓉最終餅好得意, 用左米餅做底, 上面就好似壽司, 頂層鋪滿拖羅魚蓉同三文魚子, 一啖擺曬落口食落口感好豐富, 鮮味十足! 泡菜大根辣辣地幾爽脆, 用嚟清清味蕾就接住食今晚嘅主角壽‼喜‼燒‼B餐嘅日本產A5和牛Set一人份會有六塊分別係六個唔同部位嘅牛肉, 採用自家調製嘅壽喜燒汁, 越煮會越
🌟前菜未食主食已經有前菜3小碟, 有自家A5和牛餃子
／拖羅魚蓉最終餅／泡菜大根, 順住次序食,
佢地嘅自家A5和牛餃子片薄餡大, 食落油分充足, 牛味濃郁好juicy, 第二款拖羅魚蓉最終餅好得意, 用左米餅做底, 上面就好似壽司, 頂層鋪滿拖羅魚蓉同三文魚子, 一啖擺曬落口食落口感好豐富, 鮮味十足! 泡菜大根辣辣地幾爽脆, 用嚟清清味蕾就接住食今晚嘅主角壽‼喜‼燒‼
B餐嘅日本產A5和牛Set一人份會有六塊分別係六個唔同部位嘅牛肉, 採用自家調製嘅壽喜燒汁, 越煮會越濃味, 如果太濃都可以叫店員調淡口d!
A5和牛Set
🌟西冷肉味較重, 口感鮮嫩
🌟沙巴當即係牛頸脊, 口感軟腍得嚟, 雖然比西冷嘅肉味無咁濃但都好濃郁
🌟牛肩胛心相對油脂比較豐富, 油花味好香, 食落入口即溶, 車車最愛E款
🌟牛板腱有上中下三筋, 食落肉味重, 比較有咬口
🌟牛肩肉質嫩滑有脂香
🌟牛上肩係今晚食嘅牛味最重嘅一款, 纖維豐富有嚼勁
🌟蔬菜拼盤蔬菜吸收哂壽喜燒汁嘅肉味同油香加上醬汁自身嘅甜味, 再加點蛋汁, 真心無得輸, 餸飯一流!
🌟雜炊炒飯食飽飽和牛仲有個炒飯, 入面有牛肉碎/海苔/什菌等食材, 炒飯食落口感較濕潤, 充滿食材嘅香氣, 幾好味
🌟甜品
甜品有幾款口味嘅雪糕選擇, 車車同朋友都揀左豆腐味雪糕, 豆腐味濃郁, 甜度適中, 解膩又好味!
張貼
