龍亭

二刷呢間高質日本鐵板燒料理❤️上次食完好回味, 所以今次再訪試另一個menu, 尊貴套餐廚師餐(十品)好彩book 左位, 差唔多full house 員工好專業，每道菜都會好細心仔細又好生動咁介紹, 例如"呢個配菜食落去好似開盲盒咁, 可能會鮮甜, 可能會有d 辛味, 睇你今日運氣點喇" 前菜：三文魚頭軟骨海草昆布三文魚頭軟骨口感好特別好想食幾塊, 好適合做餐前小食三文魚牛油果他他加拿大海膽伴法國黑魚子醬生蠔原本我一般般生蠔，但係呢個生蠔伴埋海膽，非常鮮味好好味!!!! 有驚喜!鵝肝忌廉蛋白菠蘿雪葩中間嗰層菠蘿忌廉蛋白菠蘿可以中和返鵝肝嘅油膩感, 建議一大啖放入口主菜：鐵板燒新鮮鮑魚配上白松露醬鮑魚有少少咬口燒得啱啱好，唔會韌越南野生虎蝦配上龍蝦濃汁虎蝦配上龍蝦汁, 完美配搭👍🏻澳洲和牛牛柳配海膽醬第一次試和牛配海膽醬, 幾特別, 五成熟岩岩好炒飯、湯本身以為係普通炒飯，平時食到呢一道都會放棄太飽, 但點知上枱差唔多成碗都係魚子同埋蟹籽😍 差唔多食晒成碗!!!!平時其他餐廳多數係一碗仔嘅麵豉湯，一啲都唔馬虎，有大大大花膠喺入面!!!甜品：柚子雪葩配紅豆爆珠完美ending ❤️