影片
更多
2024-03-11
19 瀏覽
《德意餐廳 - 大埔》屋企近排少煮飯，有時都會叫埋我細佬一齊食埋先返屋企，知道佢鍾意食德國豬手既我於是就搵吓大埔有冇得食🤭唔趕唔知，喺我屋企附近都有一間食德國菜嘅餐廳，睇Menu見到餐廳都有做傳統嘅德國炸豬手，所以當晚我就邀請細佬同我一齊去飲杯啤酒食埋晚飯😆我哋兩個人叫咗個二人套餐，超級抵食😏$458 兩個人有齊餐湯蒜蓉包、前菜、主菜、一個意粉或者pizza同埋兩杯飲品，仲可以揀生啤添😳兩個人食到飽飽都係$500😉最爽嘅係細佬埋單✌🏻💁🏻♀️前菜-B&E 特色沙律食前菜之前，店員送上每人一碗羅宋湯同埋一件蒜蓉包俾我哋，蒜蓉包好脆，用嚟點湯食就最啱不過啦😉之後就食沙律，上面有好多脆麵包粒同埋芝士伴沙律，沙律菜新鮮，配上橄欖油同醋汁，係一個幾開胃嘅前菜💁🏻♀️主菜-招牌德國咸豬手配酸菜及薯蓉而我哋最主要嘅目的就係嚟食豬手，豬手大大件而且外皮脆卜卜，每次開一下都聽到索索聲😋令人流晒口水，餐廳安排咗兩個醬汁俾我哋點，我個人鍾意傳統嘅洋蔥汁，當然如果想Creamy啲嘅話可以點佢個他他醬😉同樣係同豬手好夾的，另外伴碟嘅酸菜同埋薯蓉都做得唔錯，薯蓉有好香牛油味，用嚟拌豬手都係十分匹配的💁🏻♀️主食-
屋企近排少煮飯，有時都會叫埋我細佬一齊食埋先返屋企，知道佢鍾意食德國豬手既我於是就搵吓大埔有冇得食🤭唔趕唔知，喺我屋企附近都有一間食德國菜嘅餐廳，睇Menu見到餐廳都有做傳統嘅德國炸豬手，所以當晚我就邀請細佬同我一齊去飲杯啤酒食埋晚飯😆我哋兩個人叫咗個二人套餐，超級抵食😏$458 兩個人有齊餐湯蒜蓉包、前菜、主菜、一個意粉或者pizza同埋兩杯飲品，仲可以揀生啤添😳兩個人食到飽飽都係$500😉最爽嘅係細佬埋單✌🏻
💁🏻♀️前菜-B&E 特色沙律
食前菜之前，店員送上每人一碗羅宋湯同埋一件蒜蓉包俾我哋，蒜蓉包好脆，用嚟點湯食就最啱不過啦😉之後就食沙律，上面有好多脆麵包粒同埋芝士伴沙律，沙律菜新鮮，配上橄欖油同醋汁，係一個幾開胃嘅前菜
💁🏻♀️主菜-招牌德國咸豬手配酸菜及薯蓉
而我哋最主要嘅目的就係嚟食豬手，豬手大大件而且外皮脆卜卜，每次開一下都聽到索索聲😋令人流晒口水，餐廳安排咗兩個醬汁俾我哋點，我個人鍾意傳統嘅洋蔥汁，當然如果想Creamy啲嘅話可以點佢個他他醬😉同樣係同豬手好夾的，另外伴碟嘅酸菜同埋薯蓉都做得唔錯，薯蓉有好香牛油味，用嚟拌豬手都係十分匹配的
💁🏻♀️主食-煙三文魚蒜香意粉
意粉我就揀咗細佬最鍾意嘅蒜香意粉，佢嘅三文魚份量都幾多，意粉食落彈牙同埋有好多蒜蓉粒，如果可以再濃味少少就更好啦，不過其實加埋煙三文魚一齊食都夠味道的，最緊要係兩個人食都一定夠飽
總括嚟講，屋企附近有間德國餐廳對於我嚟講都係幾好嘅消息，我最鍾意就係食德國豬手同埋香腸嘅時候飲番杯黑啤，當日見到在場嘅客人都一杯接一杯咁飲啤酒，原來係因為啤酒有做優惠🥸作為酒鬼嘅我間唔中就可以過去啤啤佢啦😜
張貼
