小越廚

營業中

休息中

俾呢間餐廳吸引嘅地方係見到佢有一個$208嘅二人套餐好似好抵食，所以就入咗嚟試一試。呢間餐廳地方唔算好大，佈置有少少越南風情。佢個二人餐好多嘢食，包兩個主食，一個木瓜沙律，一款小食或者一個小食拼盤，再包兩杯嘢飲。我哋樣樣都想食，所以加$30叫多咗一個豬頸肉，再加$30要多一個芒果糯米飯。個主食方面，我哋叫咗一個咖喱雞扒法包，再加一個蟹膏湯河粉。個咖喱雞扒法包，塊雞扒好大塊，唔會淨係比幾件你就算，基本上係成塊俾晒你。個發包都有好多件，都有六件。而個蟹膏湯河粉，好特別，上面有一舊嘢，我以為係蝦膏，食落淋淋地，原來佢係蟹膏再加蟹肉溝埋一齊，個湯底好濃味。平時啲小食以為好細分份，但係佢個拼盤同埋個木瓜沙律都真係足夠兩個人食！！另外加錢嘅小食都係等於一份正價嘅份量，所以佢都唔會呃你。見到佢有個特色越式法包，我哋都叫咗，不過真係食唔晒。打包返屋企食，老公都話好好食。