影片
更多
2021-07-02
3141 瀏覽
2021年6月30日 星期三今晚難得同老婆預約左尖沙咀既酒店，可惜唔記得預約埋酒店既晚餐自助餐，就算walk in都無晒位，唯有出去附近搵其他野食，咁岩諗起之前同我媽食過呢間餐廳都唔錯，就決定帶老婆黎試下好好彩一黎到就有位坐，遲多幾分鐘已經坐滿晒人，睇返餐牌主要當然係素食，而且款式有好多，老婆最後決定話點晚市套餐，貪佢乜都有齊，唔洗煩，仲有埋甜品添一點完餐大約等左10分鐘左右，餐湯就送到，係舞茸竹笙黃耳百合無花果燉湯，凈係聽個名都知道好多湯料，亦見到湯底有好多材料，不過個湯出奇地清澈，唔會好污濁，仲好清甜添前菜就有華都夫薯仔松子冰菜沙律同四喜烤夫，冇諗過冰菜都可以用黎做沙律，加左沙律醬之後同薯仔松子都幾配合至於四喜烤夫就酸酸地幾開胃，而且豆卜幾入味呢兩個手卷之前同我媽已經食過，不過老婆覺得好新鮮，完全未聽過蓿芽，更加冇諗過可以用黎整手卷，食落去索索聲，包得密密麻麻，裏面有好多配料，包括芒果同牛油果，味道幾豐富至於主菜我揀咗純素菠菜野菌忌廉燴扁意粉配香烤茄子，十分夠味，每一啖都食到濃郁嘅菠菜味，而且扁意粉煮得好彈牙，仲有烤茄子添，烤得好腍，上面有融融地嘅芝士，可以拉絲最後甜品分別有杏汁椰
今晚難得同老婆預約左尖沙咀既酒店，可惜唔記得預約埋酒店既晚餐自助餐，就算walk in都無晒位，唯有出去附近搵其他野食，咁岩諗起之前同我媽食過呢間餐廳都唔錯，就決定帶老婆黎試下
好好彩一黎到就有位坐，遲多幾分鐘已經坐滿晒人，睇返餐牌主要當然係素食，而且款式有好多，老婆最後決定話點晚市套餐，貪佢乜都有齊，唔洗煩，仲有埋甜品添
一點完餐大約等左10分鐘左右，餐湯就送到，係舞茸竹笙黃耳百合無花果燉湯，凈係聽個名都知道好多湯料，亦見到湯底有好多材料，不過個湯出奇地清澈，唔會好污濁，仲好清甜添
前菜就有華都夫薯仔松子冰菜沙律同四喜烤夫，冇諗過冰菜都可以用黎做沙律，加左沙律醬之後同薯仔松子都幾配合
至於四喜烤夫就酸酸地幾開胃，而且豆卜幾入味
呢兩個手卷之前同我媽已經食過，不過老婆覺得好新鮮，完全未聽過蓿芽，更加冇諗過可以用黎整手卷，食落去索索聲，包得密密麻麻，裏面有好多配料，包括芒果同牛油果，味道幾豐富
至於主菜我揀咗純素菠菜野菌忌廉燴扁意粉配香烤茄子，十分夠味，每一啖都食到濃郁嘅菠菜味，而且扁意粉煮得好彈牙，仲有烤茄子添，烤得好腍，上面有融融地嘅芝士，可以拉絲
最後甜品分別有杏汁椰香椰汁糕同榛子咖啡乳酪蛋糕，椰汁糕真係充滿杏汁同椰汁味，都幾特別，口感比較實，同埋裏面有好多紅豆
至於榛子咖啡乳酪蛋糕，每一啖都充滿濃郁嘅咖啡味，但係食完之後又唔會覺得好膩，可能因為有乳酪嘅關係
雖然冇得食自助餐，不過幸好老婆食得好滿意
張貼
