唐坊火鍋私房菜

營業中

休息中

見到唐坊火鍋私房菜喺OpenRice做緊二人火鍋套餐特價（$678，另收加一服務費），包咗冬瓜瑤柱美腿鍋，大扇貝，大鮑魚，大蜆，大蝦，脆肉鯇魚片，手切封門柳，三寶丸，韭菜餃，蟹肉餃，響鈴，田園菜籃，日本烏冬，椰汁雪燕糖水同埋竹蔗茅根水。兩個人嚟講真係好多款式。食材都好新鮮。建議一開始嘅時候最好一人飲返一碗湯底先，好清甜。封門柳牛味濃郁，份量都唔少。扇貝同鮑魚因為都好大隻嘅關係，咬落口感十足，而且都好軟熟。三寶丸係蝦丸，墨魚丸同埋牛丸，全部都好彈牙同埋真材實料。餐廳有大大嘅落地玻璃，望到海景同埋遠處嘅ICC大廈。如果6:00嚟到仲可以睇到日落添。佢哋枱同枱之間有一定嘅距離，坐得好舒服。兩個人慢慢吹吓水就啱晒。