龍亭

龍亭鐵板燒喺佐敦寧波街，係一間日式鐵板燒餐廳。每次經過見到都覺得佢外觀好隱蔽，大門都要留意先見到。感覺好神秘，難得嘅機會，同老婆一齊慶祝週年紀念日，享受浪漫嘅二人世界。佢哋有廚師推薦同埋單點選擇，價錢都有平有貴，但比其他鐵板燒店平好多！老婆鍾意浪漫所以揀咗呢個地方好啱！我哋揀咗廚師推薦套餐價錢係$588同$788仲加埋兩杯啤酒。前菜係沙律配魚子醬煙三文魚同意大利柚子醋，好開胃🤤仲有一款燉蛋，食起嚟好似豆腐咁滑嫩。海鮮方面，新鮮程度一流，我哋揀咗鮑魚、扇貝、帶子同煆，扇貝配味牛油同黑松露汁，好入味。鮑魚都好鮮甜，一點都唔馬虎。然後係肉類，揀咗澳洲牛柳配蒜片、自家磨嘅wasabi，而且蒜片炸得香脆，我叫咗7成熟，完全啱入口，好出色！我哋仲加購左生蠔$5/隻，海味濃郁又鮮甜，口感享受😋最後係炒飯同今日甜品「雪糕」，炒飯炒得香口，飯粒鬆軟，每一啖都有特別嘅炭火香氣。總括嚟講，龍亭鐵板燒係一個值得試試嘅餐廳。食物質素好唔錯，價錢亦都相宜。