端記茶樓

營業中

休息中

晨早遊車河上川龍飲茶對上一次去端記飲茶就係8年前LU~講真，黎呢度飲茶真係食風味為主~食物質素坦白講係一般既！不過山水沖既茶的確係好飲D....即使我聽過果個係川龍拎D水做化驗睇到有幾多蟲既故事我地一行3人，都食得算多！叉燒腸入面既叉燒OK，但腸粉既皮就厚身左少少~鮮竹卷呢個食得出舊式既味道，好味牛肉球牛肉就合格喇！鳳爪呢個一般，唔夠野味~排骨呢個都唔錯！其中一個FD超鍾意食，佢自己叫多碟食~大包我一個人食晒既大包，比起以前好似細個左，我係好鍾意食中式包既人黎，呢度既包我都幾鍾意！唔錯唔錯~春蛋燒賣春蛋正常，燒賣個PART唔掂......有一陣怪味.....蒸蘿白糕我食左少少，味道不錯~炸韮菜餃呢個我覺得係今餐最好食既野！一來夠晒懷舊，二來炸得好脆同埋餡料正！潮州粉果粉果都做得幾好！總結 : 想親近大自己飲啖茶食個包，呢度係一個不錯既選擇。