餐廳乾淨企理，環境佈置同餐牌也充滿中國風，餐廳會播放音樂，同出面其他打冷舖很不一樣，富有特色又舒服。
👍🏻服務:
侍應細心態度有善，桌上放在成盒紙巾牙籤，如果有埋濕紙巾更好。
[👍🏻紅燒籠中BB鴿子$58]
籠中鴿打卡必叫，圖中係一隻份量，隻乳鴿好大隻58蚊好扺食，入口肉嫩多汁、皮脆香口。
[👍🏻潮洲炒飯$78]
炒飯好夠鑊氣，鹹度適中，口感豐富，配料多樣化有鹹肉、蛋、鴨舌、冬菇。
[👍🏻鐵板黑椒豬仔脾$98]
中意啖啖肉人士必叫，豬仔脾每件都大大舊，肉質嫩滑，黑椒汁帶少少甜，脾包錫紙方便食。
[👍🏻牙籤雞$58]
牙籤雞皮有粒粒脆米，一定要趁熱食，炸到好香口，用牙籤篤住雞肉，好方便食用，好有特色。
[👌🏻花膠螺頭炖雞$68]
湯好足料，依個湯係滋陰首選，老火湯的味道，用左好多雞所以油份較重。
打冷舖黎講乾淨企理，環境舒服。
1
1
