嚐麵潮州粉麵餐廳

營業中

休息中

老實講，鐵板餐算底食。不過真係食到一肚氣先至忍唔住寫個食評。我叫咗個鐵板餐，雞排拼公主豬柳飯加薯條。首先個集果沙律係OK嘅，大粒薯仔，菠蘿，青瓜，紅蘿蔔。但係個雞排同埋豬柳，鐵板上。一來到已經乾晒，啲肉柴晒，其實5-60蚊餐我都算。仲要埋單時去櫃臺俾錢，個收銀小姐就問張單呢？我話冇喎。佢就好惡話冇單我點知你食咗幾多錢呀？跟住個男侍應就係我張枱嘅餐牌攞番張單俾我。我再攞埋去櫃檯。個收銀小姐再彈多句話，唔通我話$500你就俾$500我咩，跟住算數俾埋錢走人。啲嘢難食算數，一分錢一分貨。但冇攞張單埋單都唔需要咁多說話。