嚐麵潮州粉麵餐廳

營業中

休息中

我未食就影低，我翻開晒d 梅菜問店員是不是真的只得四五片扣肉（每片1cmx1cmx0.1cm), 佢話係供應商係咁, 佢問我要唔要其他肉代替，我話想要返扣肉，唯一好，佢俾我唔駛俾錢就走，我乜都未飲未食。

講明先 食物勉強接受到 非常一般茶記質素。差係服務員，成日掛住傾偈，落單傾偈，唔落單時都係傾偈 ， 叫個菜粒叉燒炒飯，凍奶茶少甜， 佢企喺我面前都要問我3次先落完單 ， 唔係我細聲 ， 係佢地傾偈，傾傾下又問多一次， 又傾多2句 又問多一次，先落完一張單。 餐廳一直播大陸20年前disco 歌 /鄉下歌 仲要勁大聲 ，完全feel 到喺深圳定外省果隻。唔知係咪老闆都好呢味，令客人置身於大陸， 就唔洗北上消費啦個人覺得唔夾啫， 可能御海灣居民鐘意。

2人食下午茶叫左2碗麵，只來了1碗麵, 兩杯奶茶送錯去第2張枱. 等左15分鐘第2碗麵重未有，去問服務員係咪漏單，又話整緊,等多5分鐘碗麵送左去隔離枱. 明明係我落單先, 又話係廚房問題,唔關樓面事, 經理重要死撐話冇得控制廚房出餐先後😡咁都得？根本就係漏單又唔認.服務態度勁差,請D咁既經理. 受氣唔會再幫襯😡

Call幾次問外賣whatsapp及午市餐單，有人聽左電話，但又無人回答，無法落單。你要人whatsapp你問，都要話給客人知whatsapp電話號碼係咪啊？？？？？真係差勁！！！！！！

九點五放工想搵嘢食，見呢間嘢收11點咪入去囉，結果餐牌話收11結果收10點，臨收工唔想做可以講，唔應該西完面然後大發慈悲俾我坐。牛腩飯連凍奶茶收66蚊俾70蚊居然唔找，仲要西住收錢😅😅😅嘢食方面，凍奶茶average啦。但話哂都係粉麵檔，牛腩飯居然俾碎腩，仲碎過我個玻璃心……三字記之——冇下次！話雖如此，不過有位女店員幾有禮貌嘅，但就真係得一個有禮貌囉。最後食得好唔開心，急急腳走咗。以後寧願唔食飯都唔會再入去。

垃圾到不行！追了幾次都出不到餐！樓面侍應追問廚房，廚房竟然答還未焗！！那時已經等咗30分鐘！最後還要轉其他意粉先出到個餐！接著，廚房又懶去煮，想求其出個斑腩飯去塞住我把口。我明明食個意粉，最後變咗要被迫食個自己唔鍾意嘅飯。跟著我堅持唔改，佢地先肯整個意粉俾我，仲要已經唔係我當初order嗰個。嚴重呼籲大家唔好去食！除非你想餓死係茶餐廳嘅話！冇食過一間可以咁差嘅餐廳！屯門有很多很好嘅餐廳，不需要委屈自己！

我之前識咗幾次 都覺得還可以但係今晚去食咗4餸飯晚餐叫咗 麻婆豆腐、芥蘭炒牛肉、生炒骨竟然間得生炒骨炒得OK 麻婆豆腐唔係平時食開嗰隻味，佢係麻辣豆腐唔夠咸 唔夠味😩芥蘭炒牛肉都係唔入味，唔夠鹹🥺要自己問佢攞啲豉油加料 但係都食我想唔落我以後真係唔會再落去食😵‍💫🫣佢哋今日轉左師傅，問侍應姐姐話師傅成日都會轉所以食物質素保持唔到最後我去飲咗碗糖水同埋檸檬茶令自己飽但係真係好激氣 特登落去食飯都食到咁早知喺屋企食個杯麵就算🤢🤢🤢最後食淨好多嘢👇🏻👇🏻

其實佢呢一度嘅餐牌內容選擇已經叫做喺御海灣square嚟講算係多，一般茶餐廳嘅價位，所以質量同服務都係一般，不過叫做有多啲咁多選擇，就好似呢一份吉列炸魚柳早餐，罐頭粟米粒一小碗，差唔多係全熟嘅煎蛋，刀鋒極細利嘅餐肉，補償返嘅係魚柳size 係OK大份嘅，而且炸嘅火力亦好足夠，好彩未燶晒，盛惠$39, 包一杯有檸檬嘅熱檸茶，overall唔好期望有乜嘢好震驚艷麗嘅味道，真係唔可以再有其他過多嘅要求啦～服務方便唔知係咪朝早又落雨，啲阿姐好似冇以前咁惡死，唔知係咪俾人投訴得多呢? 起碼感覺上好聲好氣左～附上早午餐牌以供參考:

我係住喺 佢哋店舖附近嘅 屋苑， 其實已經試過 幾次~ 五個人 食嘢5個餐， 個餐一個價錢凍飲一個價錢， 埋單前喺座位上用計數機計曬總數， 去到 收銀處 收銀阿姐就會用計數機好似喺度幫你計緊總數， 但每次都會喺總數上面加多10元至 50元， 我相信佢係博你冇計清楚總數~ 講真我已經經歷過幾次~ 幾次都即場同佢講番 總數價錢， 佢就會重新計過， 當然總數就係你自己計嗰個數， 佢就好似 當自己唔小心收返正常價錢， 一次我可以當你唔小心，但係 超過三次以上呢啲係慣犯， 我唔知佢係咪老細定係 一個收銀員，但 以上嘅動作已經係 構成 刑事 成分 。 我打算 再去 收集證據 埋單前錄影， 當有完整 三次以上 嘅證據我就會報警。

其實溝通可能有錯誤，叫錯餐茶，我做客人反而比服務員串，餐飲係免費比你，有得免費你想點，其實我接受係無問題，但係比人串，我知打工好辛苦，大家都係打工仔，反而比你惡言相向，無言

幾個月冇光顧，今日叫左一個外賣，今次差到離譜，水平一路下降叫左個午餐，飯又乾又硬。重點係個煎雞扒細到得手指咁size ！薄度似雞皮，份量少得可憐，男士根本唔夠食，食兩餸飯好過！好明顯係趕客 ，唔想你幫襯佢，大家識做啦

店鋪下午茶推介- 吉烈魚柳薯條&沙律- 下午都是街坊生意， 平日坐得舒服，叫左個聲稱推介，黎到塊魚柳算是細塊，可能是控制成本掛。  連薯條都得幾條喺正常size，其他都係薯條碎。  同店員反映，薯條少得有點過份，店員話下午茶黎架，同埋沙律有比多咗喎，但本身沒有要求過甚麼要比多d 架。 客人意見是否接受隨便你。 但大家叫餐前可看review 圖片，自行判斷份量作參考。味道方面：正常的，沒有太厚炸粉，只是魚炸得太乾， 今次是旦塞飽個肚就算了。 沒期望沒失望。

1️⃣香茅豬扒薯條&沙律 $39Lemongrass Pork w/ Fries & Salad豬扒冇香茅味，只係普通醃過豬扒，肉質都算嫩。2️⃣炸雞脾配薯條&沙律 $41Deep Fried Chicken Leg w/ Fries & Salad差唔多次次嚟食下午茶都會叫呢個，鍾意佢表皮炸得唔燶又夠脆，同時又能夠保持肉質嫩滑、Juicy！以上茶餐都連薯條、沙律，份量都幾多。沙律有青瓜、薯仔、红蘿蔔，夠飽肚。3️⃣豉椒牛肉飯 $47雖然係下午茶餐，但個Size唔會因此而缩水，牛肉嫩，炒得夠火喉，略嫌鹹左少少。4️⃣廈門炒米酸度適中，好醒胃，醬汁炒得勻旬，每條米粉都沾上醬汁，餸嘅份量都好多。

早前見這間餐廳好似新開張，路過幫襯一下。同屋企人叫左兩個餐打算外賣自取回家吃，店員比左張紙仔我地上面寫住外賣號碼。我們企門口等二十分鍾之後問外賣有未，店員睇左下嗰外賣號碼話仲整緊，之後過多十分鐘都係未有。最後，再過多十分鐘（總共等待時間40分鐘）我見到近門口張檯放住兩個外賣盒（裝好左）以為終於有外賣，問店員係咪我地既外賣，點知道店員核對完外賣號碼之後終於發現原來我地既外賣一早比其他客人拿錯，檯面上的外賣是其他客人的。等了40分鐘外賣結果是這樣，然後店員竟然勸我地照要呢個別人留下的外賣，可是完全不是同一個餐，未必是我們想吃的。而且那兩個外賣不知道放在檯面放了多久。可以說這個處理方法不是對我們很公平。最後，我們選擇了退款，餓著肚子地離開了。

老實講，鐵板餐算底食。不過真係食到一肚氣先至忍唔住寫個食評。我叫咗個鐵板餐，雞排拼公主豬柳飯加薯條。首先個集果沙律係OK嘅，大粒薯仔，菠蘿，青瓜，紅蘿蔔。但係個雞排同埋豬柳，鐵板上。一來到已經乾晒，啲肉柴晒，其實5-60蚊餐我都算。仲要埋單時去櫃臺俾錢，個收銀小姐就問張單呢？我話冇喎。佢就好惡話冇單我點知你食咗幾多錢呀？跟住個男侍應就係我張枱嘅餐牌攞番張單俾我。我再攞埋去櫃檯。個收銀小姐再彈多句話，唔通我話$500你就俾$500我咩，跟住算數俾埋錢走人。啲嘢難食算數，一分錢一分貨。但冇攞張單埋單都唔需要咁多說話。