LE PAN (已結業)

朋友生日請佢食生日飯，朋友想留返在東九龍食，不出尖沙咀其實fine dining選擇唔多。知道九龍灣呢度有一間幾靚嘅高級西餐廳，就一齊嚟試一試。去到餐廳嘅時候客人唔多，服務員安排左我哋坐喺一個corner位，比較靜靜地，影相都比較靚。食物方面來講同一般fine dining餐廳差唔多，水準亦都幾好，菜式有好多道，一定夠食，兩個都好飽。其中印象比較深刻嘅有佢哋嘅自家製牛油，一座小山咁推埋黎，好香好滑，鍾意食牛油既我encore左一次另外就係上咗第一二到前菜之後，佢哋邀請左我哋入去參觀佢哋餐廳嘅廚房，佢哋嘅廚師係我哋以前即場炮製左一道小食，係有ham、海膽同白松露，幾特別同埋咁樣同啲客人有互動唔錯。作為一間選擇嚟慶祝生日嘅餐廳整體唔錯。