牧羊少年咖啡館 (德福廣場1期)

營業中

休息中

🍻叫咗與你分享2人套餐大件夾抵食！🍗日式唐揚一口炸雞配 芥末蛋黃醬外脆內嫩，加上芥末蛋黃醬，真係好醒胃。🍝蒜香牛肉碎松露醬雜菇意大利粉松露好香，加埋牛肉碎好足料。🐷慢煮 BBQ 醬美國豬肋骨伴蕃薯條•普羅旺斯燉菜肉質未叫好腍，有少少咬口，但都唔會好韌。個燉菜出乎意料幾香，同埋仲要係熱㗎，唔係凍冰冰。🍫焦糖可可朱古力（凍）推薦！叫餐唔使加錢就可以飲特飲，覺得特別抵食，朱古力香濃但唔會太甜。🍵冰梨無花果白桃烏龍芝士奶蓋（凍）我好鍾意呢個，好特別，白桃烏龍嘅茶香加上雪梨汁嘅甜，好Fresh。🍨叫餐仲送多兩個Haagen-Dazs 雪糕，真係超抵，佢個餐仲可以喺Menu任揀，唔會局限你嘅選擇，勁friendly。