牧羊少年咖啡館 (德福廣場1期)

在一個平常的工作日，筆者約了朋友在九龍灣的德福廣場，選擇了牧羊少年咖啡館作為晚餐地點。這家咖啡館的燈光柔和浪漫，營造出一個愜意的用餐氛圍，非常適合情侶和好友聚會。餐廳採用手機掃描二維碼的方式下單，這樣的現代化服務方式讓人感到相當便利。。當晚餐廳的客流量頗高，入座率約達八成，充滿了熱鬧的氛圍。然而，朋友提到與鄰桌的距離較近，私隱度略有不足，這可能會影響用餐的舒適感。。我們每人選擇了一份「自由自在1人套餐」，這個套餐的性價比相當高，只需加$58便可享用小食、甜品和一杯飲品，讓人感到十分划算。。📌主食一：鹽麴燒比目魚Shio Koji Grilled Halibut with Australian Broccolini & Ratatouille比目魚的質地鮮嫩，搭配鹽麴的調味，讓魚肉的鮮美得以充分釋放。烤澳洲西蘭花的脆口感與普羅旺斯燉菜的香氣相得益彰，整道菜色彩繽紛，讓人食欲大開。燉菜的風味豐富，卻不會搶了比目魚的風頭，整體搭配相當和諧。。📌主食二：法式油封鴨腿Duck Confit with Butter Red Wine Sauce, Mashed Potatoes & Australian Broccolini這道油封鴨腿外皮金黃酥脆，肉質柔嫩，油脂的香氣與牛油紅酒汁相融合，讓每一口都充滿層次感。薯蓉滑順，搭配澳洲西蘭花，讓整體口感更加平衡。唯一的建議是，如果能在薯蓉上加入一些香草或黑胡椒，會更添風味。。📌小食一：燒汁焗八爪魚丸Baked Octopus Balls with Teriyaki Sauce - 4pcs這些八爪魚丸外脆內軟，燒汁的甜鹹味道恰到好處，增添了不少風味。每一口的口感都十分滿足，非常推薦。。📌小食二：希臘沙律Greek Salad with Olive Balsamic Dressing這道沙律清新爽口，新鮮的蔬菜搭配初榨橄欖油和意式黑醋，讓人感覺十分健康。雖然口味不錯，但若能在沙律中增加一些堅果或起司，會使其更具層次。。飲品📌黑糖牛奶咖啡（凍）轉燕麥奶 Brown Sugar Cafe Latte 這款飲品的風味柔和，黑糖的香甜與燕麥奶的滑順相得益彰，特別適合喜愛甜味的朋友。 。📌康寶藍咖啡（熱） - Espresso Con Panna 這款熱飲濃郁香醇，搭配奶油的絲滑，讓人感受到溫暖，是一個不錯的選擇。。📌Haagen-Dazs 雪糕 Haagen-Dazs Icecream 這款雪糕口感細膩，風味純正，無論是口味還是質地都讓人滿意。 。📌是日蛋糕 +$18 - Pastry of the Day 今日的蛋糕非常新鮮，口感輕盈，甜度適中，令人驚喜。…查看更多

又係我九龍灣返工食晏編….. 😆😆成日想試牧羊，但次次九龍灣食lunch經過也好多人等緊，今日其實都見到有人等緊，但係比較少，咁咪禁飛啦⋯⋯但點知都要等成兩個幾字先到我哋🤣🤣🤣🤣 因為食晏時間吧入到去地方好大，裝修唔錯，安排咗個高身嘅二人枱，我同同事叫咗個沙律和一個忌廉雜菇意粉，兩樣嘢都好企理啲用料唔差，我見店舖裏頭都好多女士都食緊個沙律，可能比較健康吧，佢用啲菜料唔係啲流野嘅。意粉方面都唔錯，易入口，好食👍另外個忌廉湯都唔錯⋯⋯食飯時間大家如果叫意粉時請留意會比較耐少少先出菜吖…..…查看更多

今晚跟舊同事聚會，餐廳環境美麗。服務也不錯。可惜場內冷氣太強，會令食物很快變冷。食物味道不錯，同事也很喜歡，我們點了2個意大利麵，但我們最喜歡的蛋糕是紅絲蛋糕，很好吃。…查看更多

一心係為咗個酸種麵包而黎，點知早餐menu轉咗後冇咗☹️變曬做focaccia 同丹麥多士...以前炒蛋牛油果+炒蛋煙三文魚酸種麵包係兩塊麵包，依家變咗一塊focaccia過，價錢就無變沙律碗就冇咩變，依家會加埋橄欖油（同埋啲pecan冇之前咁烤過）之前鍾意另外叫塊sourdough同啲牛油果一齊食，依家又少咗個option可能因為太想食個包，發現以後冇咗就好失望😅😅其實都只係bakehouse嘅 walnut and fig sourdough，以後只可以自己去bakehouse買黎食🤷…查看更多

餐廳環境寬敞，非常之適合享用午餐及小聚。可惜我第一次用餐感受感覺到在市集進食一樣，讓我透不過氣。午餐環境充滿了嘈雜的聲音，四周彷彿被熱絡的交談聲和笑聲包圍。餐具碰撞的聲音、不斷翻動的椅子，以及廚房裡的鍋碗瓢盆聲交織在一起，形成了一種生動而熱鬧的嘈雜氛圍。偶爾，服務生的呼喚聲和客人點餐的聲音更是為這份喧鬧增添了幾分姿色活力。整體而言，充滿活力的午餐，讓人感受到生活是不停的熱情压力。…查看更多

每次食牧羊少年就係為左個蕃薯條👍🏼👍🏼👍🏼大推要試！平日lunch set$98-$128左右，需加一。Lunch set包餐湯, main同餐飲，好滿足😗小編身為burger愛好者，諗都唔諗就叫左手撕豬burger🤭漢堡用牛油烘過，有少少牛油香。夾住甜咸手撕豬，好惹味🤭🤭Ingredients仲有菠蘿芝士同生菜，所以一啲都唔乾仲好有汁水～蕃薯條依然高質！大大條又甜～餐廳裝修又大又靚，好光猛。午市時間坐滿人都唔迫夾，不過會有啲嘈。…查看更多

7:45晚飯時間牧羊少年挺受歡迎4人枱要等差不多半小時才能入坐餐廳環境不錯是聚餐的好地方但有個半小時用餐的時間限制今次我點了牛油果香芒烤雞沙律配日式胡麻醬、紅酒燴牛面肉伴薯蓉烤澳洲西蘭花、日式大阪燒風味煙三文魚薄餅。先講牛油果香芒烤雞沙律，牛油果新鮮，烤雞調味恰可，伴沙律菜和車厘茄一起食，每樣食材的顏色可反映出其新鮮度，就算沒有日式胡麻醬亦可。日式大阪燒風味煙三文魚薄餅，確有大阪燒風味，餅底薄而保持有點脆，不錯。紅酒燴牛面肉伴薯蓉烤澳洲西蘭花，牛面肉煮得很腍，有肉味，薯蓉creamy夠滑，西蘭花和紅蘿蔔有其菜味，整體好味😋…查看更多

餐廳延續一貫的古典文雅風格，柔和燈光搭配復古裝潢，營造出舒適的聚會氛圍。這次我們直接選擇了 「與你分享2人套餐」！ 前菜｜東京醋汁雞翼雞翼外皮炸至酥脆，裹上特調的醬油米醋醬汁，鹹香中帶有清新的酸味，完美平衡而不膩口，作為開胃菜十分適合。 ▫️ 主菜｜黑椒香蒜煙鴨胸意大利粉香煎煙鴨胸外焦內嫩，黑椒醬的辛辣與蒜香融合得恰到好處。意大利粉煮得 煙韌適中，充分吸附醬汁，風味濃郁且帶有微辣，惹味十足。 ▫️ 主菜｜紅酒燴牛面肉 伴 薯蓉 • 烤澳洲西蘭花牛面肉經 紅酒慢燉，肉質軟嫩，醬汁濃郁且帶有淡淡果香。搭配綿密薯蓉，完美吸收醬汁精華，而烤西蘭花則增添清爽口感，平衡整體風味。 ▫️ 飲品｜胎菊王花茶（熱）茶色金黃透亮，散發淡雅花香，入口柔和帶微甜，在寒冷天氣中飲用，格外暖身舒心。 ▫️ 飲品｜抹茶可可朱古力（熱）獨特搭配！抹茶的清香與朱古力的濃郁交織，苦甜平衡，不會過膩，冬日飲用倍感溫暖。 ▫️ 甜品｜特濃半熟芝士撻外皮酥脆，內餡濃郁滑順，芝士香氣十足，底層酥脆與柔軟餡料形成完美對比，芝士控必試！ ▫️ 甜品｜焙茶心太軟蛋糕 配 焦糖脆餅雪糕** 焙茶風味突出，蛋糕中心流心柔軟，搭配焦糖脆餅雪糕，冷熱交融，口感層次豐富，茶香餘韻悠長。 牧羊少年套餐選擇豐富，從前菜到甜品均具水準，尤其推薦紅酒燴牛面肉及 焙茶心太軟蛋糕，適合與朋友悠閒聚餐。 …查看更多

二人套餐叫套餐比散叫抵好多，有小食、兩個主菜、有飲品，仲有兩份甜品，淨係兩個主菜已經回本，份量好多，兩個人絕對夠食小食：蕃薯條🍠炸到好脆又唔會覺得好油膩，有檸檬蛋黃醬，酸酸地，我覺得就咁食好食啲主食：粉紅香蒜醬水牛芝士杏片雜菌義大利粉🍝比較少見粉紅色嘅意粉，見到隻色以為會好伏，酸酸甜甜幾開胃，意粉彈牙紅酒燴牛肉面伴薯蓉🍖牛肉燉到好入味，濃濃酒味，肉質軟腍飲品：竹炭牛奶 冰梨無花果白桃烏龍芝士奶蓋甜品：臨尾有兩杯haagen dazs雪糕…查看更多

-🔸You & Me Set For Two $428-收工同老公撐枱腳，去咗德福廣場新開無耐嘅牧羊少年咖啡館，鍾意佢嘢食好味價錢又唔貴，而家有二人套餐性價比好高。小食揀咗照燒汁煎乾蒜美國牛柳粒，估唔到份量都好多，牛柳粒火候同調味都啱啱好。意粉揀咗白酒香蒜大蜆意大利粉，一上枱就聞到好香嘅蒜油味，蜆肉粒粒都飽滿多汁，係老公最愛😍主菜揀咗慢煮 BBQ 醬美國豬肋骨伴蕃薯條加普羅旺斯燉菜，豬肋骨調味好惹味，而且肉質鬆軟～再揀咗兩杯飲品：旭日係蘿蔔、蘋果、橙榨成嘅新鮮蔬果汁，冰伯爵茶咖啡都好香。仲配兩份甜品，揀咗特濃半熟芝士撻、焙茶心太軟配雪糕，超滿足啊😌…查看更多

牧羊少年咖啡館的九龍灣德福店有別於其他分店，裝潢風格最別樹一幟，部份空間更打造成多用途區域，早上為咖啡店、中午為餐廳、晚上則為酒吧。金沙咸蛋黃鳳尾蝦 ($98)鳳尾蝦已經去殼方便食用之餘更加入味，蝦肉碩大而肉質結實彈牙，裹滿鹹蛋黃碎鹹香濃郁但絕不過份油膩。日式唐揚一口炸雞配芥末蛋黃醬 ($68)鹹香酥脆，配上芥末蛋黃醬與期望一樣驚喜不大。冬陰功海鮮長通粉 ($118) 草茹、墨魚仔、蝦等冬陰功湯配料應有盡有，長通粉口感軟硬適中，冬陰功醬酸辣濃郁，當中帶淡淡香茅及溫醇椰香。千島香芒牛油果雞肉薄餅 ($148)薄餅批底較薄而邊位相對硬脆，舖上千島醬並加上芒果、牛油果及雞肉，配料份量不算相當豐富但整體清爽輕盈。紅桑子乳酸忌廉芝士奶蓋 ($48)忌廉芝士奶蓋以奶味為重，鹹度較坊間大部分芝士奶蓋低而且亦較稀薄，配以紅桑子乳酸味道酸甜，清新解渴。牛奶可可朱古力 ($48)除了牛奶之外更加入忌廉調製而成，口感更加濃稠，朱古力味香醇。…查看更多

🍟 牛油果莎莎墨西哥脆片 配 酸忌廉作為我自己最鍾意嘅開胃菜脆片配搭酸忌廉加牛油果口感順滑同朋友一齊傾偈唔覺唔覺就會食晒🍖 慢煮 BBQ 醬美國豬肋骨伴 蕃薯條•普羅旺斯燉菜肉質夠軟腍唔會太韌配搭番薯薯條鹹鹹鹹鹹甜甜非常惹味🍝 流心蛋腐乳卡邦尼長通粉朋友話想試吓特別啲嘅菜式就叫咗流心蛋腐乳卡邦尼長通粉腐乳嘅味冇想像中咁唔夾反而令成個長通粉個質感好似提升咗✨真係有一種fusion菜嘅感覺-臨走因為比較晏餐廳基本上得番一兩枱人仲可以影靚相🤣🤣推薦想去打卡嘅人可以慢慢食…查看更多

今日喺九龍灣德福睇完戲之後發現隔離原來開咗一間 牧羊少年咖啡館🤣餐廳的設計風格現代而舒適，適合與朋友聚會或同屋企人或者情侶一齊嚟。店內的燈光柔和，氛圍輕鬆，讓人感到放鬆。🤣因為想試多啲嘅嘢嘅關係，所以我哋嗌咗個二人餐😆包咗一個前菜兩個主菜嘢飲同埋甜品魚湯輕炒西蘭花** - 湯底非常鮮美，西蘭花煮得岩岩好🧡保持了脆口的口感，搭配魚湯的鮮味，令人食唔停！俄式牛仔柳意大利粉** - 意大利粉的口感彈牙無overcook ☺️牛仔柳肉質嫩滑。配上香料的調味，整體味道平衡🙌🏼生薑味噌三黃雞** - 半隻雞的分量相當足夠，生薑和味噌的結合讓雞肉散發出獨特的香氣，雞肉鮮嫩多汁，搭配烤椰菜花同南瓜，增添了多層次的口感。呢個主菜簡直係集合咗蛋白質碳水化合物同埋蔬菜非常健康。😎而且日本南瓜甜味自然，口感滑順，作為配菜非常適合😛- **白桃烏龍茶❤️白桃的清香與烏龍茶的甘醇相得益彰，適合在餐後享用，解滯一流！- **蘋果蜜桃鮮打紅茶😍這款飲品清爽可口，少冰少甜的調整讓人感受到水果的自然甜味，十分開胃甜品方面我哋就加咗錢去升級咗做兩種唔同嘅甜品當中包括特濃半熟芝士撻☺️ - 芝士撻的外皮酥脆，內部的芝士餡料濃郁滑順仲有就係焙茶心太軟蛋糕配雪糕！🤩 焙茶味好濃，搭配雪糕，一凍一熱好正！…查看更多

嗰日同同事happy Friday諗住慶祝吓，就揀咗呢間餐廳食個lunch，一早用電話攞咗飛，唔使點樣等就入咗枱，坐得幾舒服環境幾寬敞，店員服務都ok避風塘蟹肉炒意粉呢個避風塘蟹肉炒意粉味道都幾惹味，好多香料所以辣度都唔算少，蟹肉就比較少啦，份量正常，一個成年女仔都食得飽，不過食到後尾就有少少覺得太油膩。炸雞肉漢堡配番薯薯條雞肉炸得好Juicy，配埋最signature嘅番薯薯條真係冇得輸，番薯薯條再點黑松露沙律醬又別有一番風味，薯條炸得好香口，有保留到番薯嘅甜味，一條一條咁樣好快就食晒，一定會encore!!…查看更多

呢晚放工睇返場戲先返屋企😂 睇戲之前去咗戲院對面嘅餐廳食飯，除咗晚市套餐有優惠之外，仲有「與你分享2人套餐」😍 主食♦️咖啡羊架伴露絲瑪利燒汁呢度嘅羊架都幾特別，用上咖啡做調味，食落口真係有陣咖啡嘅微香。羊架肥瘦分明，入口juicy🐑 配菜方面有烤澳洲西蘭花同埋日本南瓜，南瓜幾甜🎃♦️白酒香蒜大蜆意大利粉呢個意大利粉份量都算幾多，白酒同埋蒜嘅味道幾balance 🍝 側邊嘅蜆排列整齊，食落仲冇沙添呀🐚 金沙鹹蛋黃鳳尾蝦套餐有超過10款小食可以選擇，見到隔籬枱嗌咗勁香噴噴嘅金沙鹹蛋黃鳳尾蝦🦐 蝦肉彈牙，每隻鳳尾蝦都有鹹蛋黃包裹住，都幾惹味。飲品♦️冷粹咖啡呢杯cold brew有淡淡的回甘，味道唔會太苦☕️♦️芒果茉莉茶忌廉芝士奶蓋估唔到呢杯芝士奶蓋嘅飲品都唔使額外加錢，真係好抵呀😋 底下嘅芒果茉莉茶雖然甜度固定，但係味道適中，最鍾意係佢面頭綿密嘅芝士奶蓋🧀甜品今餐嘅甜品有Häagen-Dazs 雪糕杯，亦可以額外加錢升級半融嘅芝士撻，不過我哋食到好飽，所以淨係食兩杯雪糕作結尾🍦今日嘅雪糕杯係曲奇口味。呢個二人餐真係幾唔錯，菜式選擇幾啱我口味 。餐廳有啲書櫃，可以用嚟打卡扮吓文青，對上面啲書有興趣嘅話都可以拎嚟睇㗎 📙…查看更多