小城知味 (德福廣場1期)

營業中

休息中

今日咁岩去九龍灣工作，即刻約向九龍灣返工既朋友食個lunch，德福廣場一到lunch就人山人海，我立刻週圍望下有乜好食，見呢間中菜menu唔錯，款式都好多選擇，價錢都合理，就即刻入去，好快侍應就安排入座。好在早少少到，一到十二點半lunch時間，巳經高朋滿座。我地各自選了一個小菜share食，一個係魚香茄子煲，一個係香煎巨無霸肉餅。每個餸都有跟個白飯，仲有杯飲品送。我倆選擇左檸檬薏米水。香噴噴既魚香茄子煲好快巳到枱面，份量都好多，真係要黎送飯係一絕。無幾耐，香煎巨無霸肉餅都黎了，真係好巨大，肉餅食落好香口。我朋友都出名大胃王，但share食佢都食唔哂。檸檬薏米水魚香茄子煲香煎巨無霸肉餅唯一美中不足係冷氣無咁涼，有d焗，但食物質素好，值得一試