影片
更多
2023-12-29
859 瀏覽
屋企人鍾意食泰國嘢，聖誕節帶佢哋嚟小曼谷食餐泰國大餐。鮮蝦泰國金柚沙律 $128勁多碌柚肉，好清爽，配上一啲花生碎同埋甜甜辣辣嘅醬汁好開胃，蝦肉都大隻，幾爽口。泰式拼盤 $178呢個拼盤啱晒我哋，一次過食齊蝦餅、魚餅、春卷同埋雞棗，我就最鍾意食蝦餅，蝦肉新鮮爽口，魚餅同埋雞棗都好惹味，春卷係素菜餡。串燒 $22/串我哋叫咗牛肉、雞肉各兩串，燒得好香，牛肉唔會乾硬，雞肉都唔嚡，沾惹味沙嗲醬食一流。黃咖喱牛腩 $108牛腩煮得好稔，入晒味。咖喱辣度啱啱好，香濃惹味。牛腩都幾足料，大大件，啖啖肉。薯仔吸晒汁都好好味。鮮菠蘿海鮮炒飯 $118炒飯配料足，除咗香甜菠蘿粒，海鮮有大蝦、帶子、魷魚，加上肉鬆、三色豆、提子乾、好多洋蔥全部一齊食，蛋炒飯味道好豐富。泰式鮮蝦炒金邊粉 $108呢個係我食泰國菜必食嘅，金邊粉酸酸甜甜好開胃，食嘅時候加入花生碎一齊食，炒香嘅蝦皮、蛋花配金邊粉味道好香。配料嘅鮮蝦大大隻，而且爽口。呢一餐好豐富，而且每一款嘢食味道都好好，當日仲有live Band坐鎮，氣氛好好，屋企人食得好開心滿意。
鮮蝦泰國金柚沙律 $128
勁多碌柚肉，好清爽，配上一啲花生碎同埋甜甜辣辣嘅醬汁好開胃，蝦肉都大隻，幾爽口。
泰式拼盤 $178
呢個拼盤啱晒我哋，一次過食齊蝦餅、魚餅、春卷同埋雞棗，我就最鍾意食蝦餅，蝦肉新鮮爽口，魚餅同埋雞棗都好惹味，春卷係素菜餡。
串燒 $22/串
我哋叫咗牛肉、雞肉各兩串，燒得好香，牛肉唔會乾硬，雞肉都唔嚡，沾惹味沙嗲醬食一流。
黃咖喱牛腩 $108
牛腩煮得好稔，入晒味。咖喱辣度啱啱好，香濃惹味。牛腩都幾足料，大大件，啖啖肉。薯仔吸晒汁都好好味。
鮮菠蘿海鮮炒飯 $118
炒飯配料足，除咗香甜菠蘿粒，海鮮有大蝦、帶子、魷魚，加上肉鬆、三色豆、提子乾、好多洋蔥全部一齊食，蛋炒飯味道好豐富。
泰式鮮蝦炒金邊粉 $108
呢個係我食泰國菜必食嘅，金邊粉酸酸甜甜好開胃，食嘅時候加入花生碎一齊食，炒香嘅蝦皮、蛋花配金邊粉味道好香。配料嘅鮮蝦大大隻，而且爽口。
呢一餐好豐富，而且每一款嘢食味道都好好，當日仲有live Band坐鎮，氣氛好好，屋企人食得好開心滿意。
張貼
