影片
更多
2022-07-13
38 瀏覽
九龍城區真係好多好野食，除左最出名食泰國菜之外，開左好多cafe同日本菜，今日放假約左個朋友係九龍城食飯，話啲yen平左去唔到日本旅行去食日本菜都好☺️餐廳環境裝修好似日本地道居酒屋咁，播埋日文歌好有氣氛👍🏻👍🏻👍🏻🦪兵庫蠔 ($48隻)頭盤叫左兩隻來自日本兵庫縣既生蠔，即叫即開既生蠔都幾大隻，海水味濃郁，配埋自家製柚子酸汁更能突顯生蠔既鮮味❤️🦐炸富山灣白蝦 ($158)炸物都有好多選擇，我地今日就揀左炸富山灣白蝦，呢個值得推介比大家，富山灣白蝦係當地特產，又名寶石蝦，份量都幾多，炸到脆卜卜，同朋友飲野傾計必點💯🐠大分直送火炙平目魚邊 ($148)見到隔離枱叫呢個平目魚邊，心思思又想試下，卷埋一齊既平目魚邊同自家製柚子酸汁，撈埋wasabi一齊食，平目魚邊好滑，入口即溶👍👍👍Wasabi可以突出魚既香味同油份食日本野當然要試下佢地既燒海鮮，店員推介我地試下時令既燒香魚同燒帆立貝😍🐟時令推介: 燒香魚 ($198)呢個係時令推介，日本人特別鍾意係夏天食香魚，燒香魚一客兩條，連魚骨都可以直接食，啱哂我呢啲又想食魚但又怕食到魚骨既懶人🙈香魚燒到外皮好香脆，入面啖啖肉唔會腥，果然無介紹錯👍🏻👍🏻
九龍城區真係好多好野食，除左最出名食泰國菜之外，開左好多cafe同日本菜，今日放假約左個朋友係九龍城食飯，話啲yen平左去唔到日本旅行去食日本菜都好☺️餐廳環境裝修好似日本地道居酒屋咁，播埋日文歌好有氣氛👍🏻👍🏻👍🏻
🦪兵庫蠔 ($48隻)
頭盤叫左兩隻來自日本兵庫縣既生蠔，即叫即開既生蠔都幾大隻，海水味濃郁，配埋自家製柚子酸汁更能突顯生蠔既鮮味❤️
🦐炸富山灣白蝦 ($158)
炸物都有好多選擇，我地今日就揀左炸富山灣白蝦，呢個值得推介比大家，富山灣白蝦係當地特產，又名寶石蝦，份量都幾多，炸到脆卜卜，同朋友飲野傾計必點💯
🐠大分直送火炙平目魚邊 ($148)
見到隔離枱叫呢個平目魚邊，心思思又想試下，卷埋一齊既平目魚邊同自家製柚子酸汁，撈埋wasabi一齊食，平目魚邊好滑，入口即溶👍👍👍Wasabi可以突出魚既香味同油份
食日本野當然要試下佢地既燒海鮮，店員推介我地試下時令既燒香魚同燒帆立貝😍
🐟時令推介: 燒香魚 ($198)
呢個係時令推介，日本人特別鍾意係夏天食香魚，燒香魚一客兩條，連魚骨都可以直接食，啱哂我呢啲又想食魚但又怕食到魚骨既懶人🙈香魚燒到外皮好香脆，入面啖啖肉唔會腥，果然無介紹錯👍🏻👍🏻👍🏻
北海道直送半熟帆立貝 ($78)
燒帆立貝都好出色，厚肉之餘好鮮甜，入口爽彈唔會韌😋😋😋
🌟🦞伊勢海老姿燒 ($698)
壓軸出場既係今晚既主角龍蝦🦞，原隻龍蝦起左肉燒到僅熟，加埋炙燒過既海膽，預先切好左一件件既龍蝦食起上黎非常方便，個龍蝦頭可以用黎煮粥或者煲湯，今次留左部份龍蝦肉同啲湯一齊煮，飲湯嗰陣仲有啖啖肉，湯底好香濃，配料有豆腐、娃娃菜、金菇同甘筍，飲完啲湯已經好飽，不過真係好滿足😍
特大青檸梳打 ($68) & 特大柚子蜜梳打 ($68)
食左咁多野梗係要叫返杯冰凍既飲品啦，我地揀左特大既飲品，真係超大杯，朋友叫既青檸梳打解暑一流，我就叫左柚子蜜梳打，放左好多柚子蜜係底，飲嗰陣攪勻佢就得，甜度適中，飲飲下仲會食到柚子肉既口感，正❤️
張貼
