Mama Mia! Pizzeria

營業中

休息中

講起九龍城，好多人都會諗起泰國野又或者打冷，而我最近路過九龍城就發現咗間食pizza嘅鋪頭，門口簡潔得嚟有時代感，好有特色。入到去見到原來呢度係開放式廚房，清楚咁見到師傅搓麵團、鋪饀料同焗嘅過程，就好似睇表演一樣，而且仲可以聞到陣陣嘅香氣，真係食欲大增。呢度由1人餐到4餐又或者散叫都可以，價錢仲相當實惠。先嚟一個小食，店家自家製嘅傳統意式肉丸，肉丸汁調味剛剛好，唔好太酸太咸，而肉質十分結實，唔好一咬就散哂，好足料。松露忌廉意粉，菇味同忌廉味道香濃，個汁仲好幼滑，每一條意粉都十分入味。扁意粉係我個人嘅favorite，廚師唔會煮得太淋，十分爽口。MaMa Mia!係呢度嘅招牌簿餅，餅底同餅皮完全食到麵粉嘅香味仲十分香口。饀料十分豐富，完全鋪滿整個簿餅。芝士香濃夠熱，仲有拉絲效果。