瀛鍋

營業中

休息中

今晚涼涼地，揸車周圍去下，係九龍城咁岩有咪錶位，停完之後見到呢間火鍋店裝修幾新幾乾淨。一入餐廳有好多酒，相信好多食客鍾意係到叫酒，另外重點要提佢係有親子樂園area都係比小朋友玩，見到都好得意，好多個迷你廚房同玩具，下次一定要帶小朋友黎，唔洗怕朋友因為要湊仔唔出黎食飯。服務員仲介紹話可以帶寵物黎，係pet friendly。仲有，原來樓上仲有一層，有8間包廂，好夠私隱度，而且裝修幾靚，有啲日本風情味道，如果下次公司要team building或者有朋友生日，都想推薦下呢個地方，加上服務員好親切，食得好開心。