渡邊屋

營業中

休息中

呢間小店位於九龍城一個街口嘅轉角位, 店舖細細間, 門面幾別緻的。以前成日都經過呢間壽司店, 之前見佢哋主要做外賣生意, 最近見佢哋裝修咗, 裏面有堂食位置, 而且室內環境感覺舒適, 所以嚟咗試吓! 主打刺身、壽司、丼飯, 全部都係即叫即整, 可以坐喺度睇住師傅即搓壽司🍣, 然後放喺你面前, 整體氣氛同環境都唔錯的ꕀ🍣火炙壽司盛盒超鍾意食火炙壽司所以即刻點咗呢個🤤! 有三文魚、油甘魚、帶子、左口魚、鰻魚、赤蝦、原條海鰻, 每一款都會輕輕燒一燒, 將油脂嘅香味逼出來, 脂香中帶甜美ꕀ 特別推介炙燒左口魚壽司, 燒過嘅裙邊油香四溢, 魚脂味豐富, 入口即溶, 令人食過返尋味ꕀ🍣三文魚盛盒鍾意食三文魚嘅朋友一定要點呢款, 可以一次過試晒唔同款式嘅三文魚壽司😍! 有三文魚、三文魚腩、火炙三文魚、辣味三文魚、三文魚小卷⸝⸝⸝ 最鍾意係三文魚腩壽司, 油脂豐富, 一咬落去有魚油香味, 非常新鮮肥美! 🍣北海道帶子沙律卷 一客有6件, 北海道帶子味道鮮美, 壽司飯粒粒飽滿