九記牛腩

營業中

休息中

今日收工遲左，肚又餓，就唔想返屋企食飯喇，咁就附近揾野食，係度淋緊食咩野嘅時候，淋起前幾日同事講起嘅九記牛腩，之前有去食過，的確味道幾好，不過離我唔算近，但又想食就照去啦。去到嘅時候雖然已經過左飯點，但依然仲係咁多人排隊。未到店就聞到陣陣咖哩味同牛腩嘅香味，點左個咖哩牛筋腩，咖哩好正宗，味道好特別，有一半系牛筋，一半系腩肉，都煮得好淋，牛筋同牛腩都吸收曬D咖哩，食落好正，老板好用心做，煮得夠時候。湯麵嘅話我就中意清湯，佢呢度有清湯牛腩面同咖哩牛腩面，我要左清湯牛腩面，面系要粗底果種，清湯牛腩無咖哩嘅濃烈味，但多左份清香味，唔濃但都好有味道，湯底都好清甜，唔中意重味道嘅朋友仔可以試試呢個。