影片
更多
2025-07-13
52 瀏覽
餐廳：九十番地居酒屋 (尖沙咀)地址：尖沙咀金巴利道28號君怡酒店1樓全港唯一嘅和食文化主題餐廳，大約一年前由觀塘搬到尖沙咀君怡酒店，以新名——九十番地居酒屋 示人🏮，佔地4500呎，彷彿去咗東京新宿嘅街頭：燈光柔和、日式木系裝潢、配埋每個星期二晚嘅音樂表演同星期三晚嘅骰仔遊戲夜🎲，無限活動、表演同優惠等緊每一個鍾意日本文化同菜式嘅你🤤餐廳有廚師發辦、每月定期嘅藍鰭吞拿魚解剖宴、刺身、壽司🍣、串燒、天婦羅、鍋物、瓦片蕎麥麵等，啱哂嗰啲食咩都選擇困難嘅朋友，菜式種類多到以為自己誤闖咗和食聯合國🇯🇵✝️雜錦刺身沙律 $108多款刺身新鮮到好似啱啱喺魚缸跳出嚟🐟，仲有一大兜沙律菜多到食極都食唔完😂✝️鐵板炒雞肉 $88鐵板聲炒得熱鬧「吱吱」聲♨️，雞肉香口惹味啖啖Juicy，加上秘製醬汁同洋蔥香🧅，建議叫返碗個白飯撈嚟食🍚✝️山口縣瓦片牛肉蕎麥麵 $138呢碟麵唔止食材吸引，連碟都喺焦點。據說喺山口縣戰國時期武士煮麵嗰陣用瓦片，餐廳就照板煮碗用真瓦片做器皿，不過我食完就唔想打仗，只喺想打包多啲拎返屋企食😋。和牛燒肉，加上雞蛋絲、紫菜、煎香過嘅綠茶麵，配埋辣蘿蔔蓉、檸檬汁同蕎麥麵汁，口感層次分明，食完
地址：尖沙咀金巴利道28號君怡酒店1樓
全港唯一嘅和食文化主題餐廳，大約一年前由觀塘搬到尖沙咀君怡酒店，以新名——九十番地居酒屋 示人🏮，
佔地4500呎，彷彿去咗東京新宿嘅街頭：燈光柔和、日式木系裝潢、配埋每個星期二晚嘅音樂表演同星期三晚嘅骰仔遊戲夜🎲，無限活動、表演同優惠等緊每一個鍾意日本文化同菜式嘅你🤤餐廳有廚師發辦、每月定期嘅藍鰭吞拿魚解剖宴、刺身、壽司🍣、串燒、天婦羅、鍋物、瓦片蕎麥麵等，啱哂嗰啲食咩都選擇困難嘅朋友，菜式種類多到以為自己誤闖咗和食聯合國🇯🇵
✝️雜錦刺身沙律 $108
多款刺身新鮮到好似啱啱喺魚缸跳出嚟🐟，仲有一大兜沙律菜多到食極都食唔完😂
✝️鐵板炒雞肉 $88
鐵板聲炒得熱鬧「吱吱」聲♨️，
雞肉香口惹味啖啖Juicy，加上秘製醬汁同洋蔥香🧅，建議叫返碗個白飯撈嚟食🍚
✝️山口縣瓦片牛肉蕎麥麵 $138
呢碟麵唔止食材吸引，連碟都喺焦點。據說喺山口縣戰國時期武士煮麵嗰陣用瓦片，餐廳就照板煮碗用真瓦片做器皿，不過我食完就唔想打仗，只喺想打包多啲拎返屋企食😋。和牛燒肉，加上雞蛋絲、紫菜、煎香過嘅綠茶麵，配埋辣蘿蔔蓉、檸檬汁同蕎麥麵汁，口感層次分明，食完返唔到轉頭👍
✝️山海鍋 $268
食材多到可以開個小型海陸展覽會，
有生蠔🦪、雞、魚、豬、雜菌、金菇、洋蔥、粉絲、豆腐……簡直喺一場味蕾大冒險，鍋中冒煙，心中冒喜，份量仲要勁多夠2-3人Share
✝️串燒
叫咗雞軟骨($16)、牛舌($68)、薄牛肩($38)、自家製免治雞軟骨棒($42)同日本雞腎($26)，調味料個人覺得有啲重手比較濃味，勝在每款串燒都喺即叫即整🔥，
特別鍾意牛舌嘅厚度同煙靭質感🍢、
自家製免治雞軟骨棒嘅出色、薄牛肩嘅牛肉羶香🐮
張貼
