丼燃食堂

營業中

休息中

九公丼 🈵 $178講起刺身丼飯，要大家揀幾款刺身係咪好難揀呢？！如果大家都同我一樣有選擇困難症嘅話，揀呢一個九公丼就啱晒啦！入面嘅配料勁豐富，包括有海膽、三文魚、三文魚籽、牡丹蝦、蟹肉、時令魚、帶子、拖羅蓉、壽司薑，款款刺身都非常新鮮鮮甜，尤其是係海膽、牡丹蝦、帶子！！虎燃四皇丼 👑 $118如果大家同我一樣，唔係太鍾意食生嘢，可以試吓佢哋嘅火炙丼，一樣咁正！我今次揀嘅呢一個丼飯，配料分別有左口魚邊、三文魚、蟹棒、赤蝦、蟹籽，仲有四款醬汁可以選擇，我就揀咗明太子醬，鹹鹹地嘅明太子醬，攞嚟撈飯就一流啦！焦糖三文魚卷🐟 $68大家嚟到一定要試吓佢哋嘅焦糖三文魚卷，口感味道都好豐富！首先一入口就會感受到脆卜卜嘅焦糖味，配埋火炙三文魚嘅油香 同埋 蟹籽一粒一粒嘅口感，成件事真係異常地夾，唔使點豉油味道都好豐富！