喜來稀肉 (登龍街)

營業中

休息中

今日我A姐一個人嘅午餐就食久違嘅韓式料理啦！嚟到勁有韓國feel，位於銅鑼灣嘅喜來稀肉，原來喜來稀肉除咗韓燒，都有唔少韓國定食選擇，難得一個人午餐，但可惜餐廳連一個奧巴都無，所以我只好專心食飯啦！泡菜前菜叫完嘢食之後店員就會送上泡菜作為錢財，今日嘅泡菜有四款，分別係大白菜泡菜、蘿蔔泡菜、生魷魚泡菜同茄汁芝士腸泡菜。最鍾意嘅就係生魷魚泡菜，煙煙韌韌，爽口彈牙，加上醬汁惹味，好好味呀！大醬湯講到韓國定食，大醬湯基本上係每間韓式料理都會有嘅菜式，大醬夠晒香濃，略帶有少少辣味。湯中有牛胸肉片、蜆肉、蟹、金菇同豆腐等，分量夠晒多！蟹肉鮮甜，索晒大醬湯，好入味。芒果梳打炎炎夏日，就叫杯芒果梳打消吓暑。由於我唔鍾意飲太甜嘅飲品，所以我冇將所有芒果汁撈勻。微甜嘅芒果汁加上梳打水，真係夠晒解渴。