影片
更多
2023-10-19
24 瀏覽
朋友生日話想食鐵板燒，上網見到呢間餐廳好似唔錯，就訂咗兩位去食歐陸美食晚餐。自家製醬汁煮南非鮑魚飽魚比想像中大隻，咬落好爽口又鮮甜，配搭自家製醬汁同下面嘅蘿蔔食好開胃。海鮮茶碗蒸蛋蒸得好香滑，配埋海鮮食啱啱好。西班牙白松露鯛魚薄切鯛魚喺即時係我地面前切，師傅刀工一流，鯛魚透光但唔會爛，香濃嘅西班牙白松露令魚味更突出，第一次食呢個配搭，好有驚喜。西班牙金鎗魚腩手卷呢個好有創意，肥美金鎗魚腩加壽司飯，唔用紫菜包，而係用香脆嘅餅乾食，口感好豐富而且特別。澳洲龍蝦師傅會係你面前捉龍蝦，所以龍蝦非常新鮮，肉質好有彈性，加埋海膽即炒，最後擺碟仍然非常有美感，呢道菜色香味俱全，令人印象深刻。法國諾曼第帶子呢道菜亦係即時燒，師傅落咗牛油慢煎帶子，最後加埋大大粒嘅魚子，以及綠色嘅醬汁，成道菜真係好靚，食落又有層次，唔會浪費高質嘅食材。美國頂級牛柳牛柳有厚燒同薄燒兩食，兩者都火喉啱啱好，咬落充滿肉汁，薄切包左葱花，而厚切就可以配埋蒜蓉片一齊食，加埋海鹽都唔會好咸。季節濃魚湯魚湯好濃，飲得出落足料。丹麥煙肉香蒜炒飯呢個炒飯好乾身，飯粒粒分明，又唔會好油，係我鍾意食嘅質感。炒什菜最後有啲菜加XO醬，感覺好健康
自家製醬汁煮南非鮑魚
飽魚比想像中大隻，咬落好爽口又鮮甜，配搭自家製醬汁同下面嘅蘿蔔食好開胃。
海鮮茶碗蒸
蛋蒸得好香滑，配埋海鮮食啱啱好。
西班牙白松露鯛魚薄切
鯛魚喺即時係我地面前切，師傅刀工一流，鯛魚透光但唔會爛，香濃嘅西班牙白松露令魚味更突出，第一次食呢個配搭，好有驚喜。
西班牙金鎗魚腩手卷
呢個好有創意，肥美金鎗魚腩加壽司飯，唔用紫菜包，而係用香脆嘅餅乾食，口感好豐富而且特別。
澳洲龍蝦
師傅會係你面前捉龍蝦，所以龍蝦非常新鮮，肉質好有彈性，加埋海膽即炒，最後擺碟仍然非常有美感，呢道菜色香味俱全，令人印象深刻。
法國諾曼第帶子
呢道菜亦係即時燒，師傅落咗牛油慢煎帶子，最後加埋大大粒嘅魚子，以及綠色嘅醬汁，成道菜真係好靚，食落又有層次，唔會浪費高質嘅食材。
美國頂級牛柳
牛柳有厚燒同薄燒兩食，兩者都火喉啱啱好，咬落充滿肉汁，薄切包左葱花，而厚切就可以配埋蒜蓉片一齊食，加埋海鹽都唔會好咸。
季節濃魚湯
魚湯好濃，飲得出落足料。
丹麥煙肉香蒜炒飯
呢個炒飯好乾身，飯粒粒分明，又唔會好油，係我鍾意食嘅質感。
炒什菜
最後有啲菜加XO醬，感覺好健康。
是日精選甜品
蛋糕係檸檬海鹽同玉桂蘋果味，兩件都有粒粒果肉，而且唔會好甜。
餐廳環境寧靜，食材新鮮，有專人幫你鐵板燒，窗外景色優美，我同朋友過咗一個滿足嘅晚上。
張貼
