影片
更多
2023-05-01
33 瀏覽
對上一次食鐵板燒已經係1年幾前嘅事，上個月見到同事ig po咗呢間嘅鐵板燒，搞到我心思思，決定今個月黎食我地嗰日食嘅係午餐，揀咗個極上套餐，998一個人，好豐富沙律酸甜，正常發揮，前菜三點入面嘅豆腐我幾鍾意，幾重豆香，入口又滑 印象中之前真係未試過食鐵板燒有刺身+生蠔，今次一次過滿足曬，用料都唔馬虎，牡丹蝦好飽滿多膏，蠔又係好肥美師傅炮製之前特登畀我地打個卡，值得一提，日本師傅黎，成件事好有feel炮製緊嘅時候有茶碗蒸，好香松露油味，入面又有好多木耳絲，好頂癮鮑魚佢係用昆布汁去整，我見佢燒嗰陣已經係用昆布墊底去燒，所以鮑魚係入曬昆布味，最後仲淋上昆布汁，成個味道好濃郁三選一我揀咗虎蝦，蝦肉超級爽脆，印象中算係我食過數一數二咁爽脆，師傅燒到d殼卜卜脆，殼都食得👍六選一我就揀安格斯牛柳，師傅冇特別問我幾成熟，但燒出黎都係我心目中鍾意嘅熟度，有3種醬汁可以沾：酸汁、師傅特製嘅味增醬及麻醬，我感覺師傅調教嘅醬汁帶d薑味，我個人覺得酸汁非常搭食完之後仲有鐵板炒飯，分量真係非常滿足，佢炒飯比較得意，加酸汁去炒，幾開胃，食完一半仲可以加湯變茶漬飯，一飯兩食甜品我就揀豆腐雪糕嘅，滿足咁完結呢餐總結：價
我地嗰日食嘅係午餐，揀咗個極上套餐，998一個人，好豐富
沙律酸甜，正常發揮，前菜三點入面嘅豆腐我幾鍾意，幾重豆香，入口又滑
印象中之前真係未試過食鐵板燒有刺身+生蠔，今次一次過滿足曬，用料都唔馬虎，牡丹蝦好飽滿多膏，蠔又係好肥美
師傅炮製之前特登畀我地打個卡，值得一提，日本師傅黎，成件事好有feel
炮製緊嘅時候有茶碗蒸，好香松露油味，入面又有好多木耳絲，好頂癮
鮑魚佢係用昆布汁去整，我見佢燒嗰陣已經係用昆布墊底去燒，所以鮑魚係入曬昆布味，最後仲淋上昆布汁，成個味道好濃郁
三選一我揀咗虎蝦，蝦肉超級爽脆，印象中算係我食過數一數二咁爽脆，師傅燒到d殼卜卜脆，殼都食得👍
六選一我就揀安格斯牛柳，師傅冇特別問我幾成熟，但燒出黎都係我心目中鍾意嘅熟度，有3種醬汁可以沾：酸汁、師傅特製嘅味增醬及麻醬，我感覺師傅調教嘅醬汁帶d薑味，我個人覺得酸汁非常搭
食完之後仲有鐵板炒飯，分量真係非常滿足，佢炒飯比較得意，加酸汁去炒，幾開胃，食完一半仲可以加湯變茶漬飯，一飯兩食
甜品我就揀豆腐雪糕嘅，滿足咁完結呢餐
總結：價錢合理，食物比以前食過嘅更豐富，烹飪方式都係我之前未試過：例如用昆布墊底燒鮑魚、酸汁炒飯，個人覺得幾有趣，係一次唔錯嘅用餐
張貼
