牛大人台灣火鍋吃到飽 (銅鑼灣廣場二期)

營業中

休息中

自從冇晚市之後就好少打邊爐，前兩日終於忍唔住同朋友lunch time去打邊爐。如果要講打邊爐嘅性價比，性價比最高嘅當然係牛大人啦。咁難得食返餐打邊爐，我地決定食好啲，叫左個極上和牛吃到飽餐，貪佢有任食個澳洲和牛M5牛肩卷，淥完之後入口滑嫩，牛味香濃。除左和牛，豬肉其實都唔錯，有西班牙豬五花片同埋西班牙豬梅肉片。話曬都係西班牙豬，質素有返咁上下保證。湯底我地揀左台灣鳳梨雞鍋，食落清清地，有淡淡嘅鳳梨香。同埋有原隻雞喺湯底入面，啲雞髀位食落好滑。打邊爐除左食肉之餘，都一定要食多啲菜，營養先均衡。牛大人嘅菜款選擇都唔少，但我始終覺得同打邊爐最夾嘅都係生菜同埋海帶。如果鍾意食台灣夜市小食，呢到都有唔少可以食，一次過滿足幾個願望。例如甜不辣同埋炸蕃薯，蕃薯上面有甘梅粉，酸酸甜甜夠曬開胃。有好多飲品任飲，不過朋友加$38要左杯18+冬瓜茶，佢話有酒味嘅冬瓜茶得呢到先有得飲，所以一定要叫。