申子居酒屋

營業中

休息中

難得星期六和朋友約了個大早在旺角睇電影，睇完剛好lunch time，來到她最愛的申子食午飯。位置雖離地鐵站有點遠，但不損其人氣，午飯時間都坐滿了人，可能因為午市餐牌做緊6折優惠。我點了壽司定食，上枱賣相十分吸引。壽司有赤蝦、魷魚、海膽、三文魚子、油甘魚、赤身。仲有三文魚腩刺身。壽司的米是北海道七星米，十分香滑軟糯。配上一碗滑嘟嘟的雞白湯手打烏冬，這配搭合我心意！雙層手打和牛漢堡丼，牛肉漢堡十分厚實，食落juicy有牛油香。上面的蛋煎得好靚，蛋漿撈埋飯及肉餅黎食，係邪惡的味道。滿滿的青葱除了賣相，又多了份葱香。額多仲點了她最愛的燒雞翼，雞翼肥美飽滿又多汁！兩個餐都有玉子和麵豉湯跟配，食完飯飲一啖熱辣辣的湯特別暖胃。簡簡單單的午餐，食得好滿足。