丼造

營業中

休息中

餐廳：丼造地點：上環禧利街菜式：丼飯餐牌：是日之選，火炙之選，和風丼，丼，特選，特選盛，刺身壽司，手卷，卷物，串燒，燒物，小食，沙律等。丼飯用大大個紙盒裝好，賣相不馬虎。拖羅蓉三文魚籽丼 $163拖羅蓉一大底佔滿半盒，好滑溜，加有京蔥花同白芝麻粒，鹹香十足，面頭加有三文魚籽，一咬就爆汁，鹹香十足，餸飯一流。另外半盒都仲有三文魚籽伴青瓜片。飯底味道口感都唔錯，酸度同濕潤度都夠，份量好足，面頭加上少少紫菜絲，加添味道。伴有印上餐廳名既甜甜淋軟玉子一件同酸薑片。極上油甘魚丼 $148極上油甘魚丼就有好多油甘魚粒，伴有京蔥，再多玉子兩大片。油甘魚粒分量都唔少，好新鮮！魚湯 加$16魚湯真係好濃魚味，清清地暖暖地，冬天飲正。沙律 跟餐跟餐有新鮮沙律菜伴有車厘茄，簡單加上胡麻醬。總括而言，兩盒飯質素唔錯，魚生質素不俗，包裝衛生，配有獨立包裝日式芥末同豉油。