韓鍋酒舍

營業中

休息中

韓國菜食得多，但主打鍋物既真係好少見，眼見餐廳有好多韓國人都幫襯，唔使怕唔夠正宗🥗牛腸火鍋（$488）叫左中份但係份量都好驚人，牛腸的口感彈牙又唔會韌。大量既蔬菜令本身濃郁香辣既湯底增添一份清甜，差唔多食完既時候可以加一份炒飯，湯汁、紫菜同白飯加埋，天氣凍既話食完真係成身暖笠笠🥓牛腩湯火鍋（$388）就咁睇以為牛腩會好韌，但食落又煮得岩岩好牛，睇落好清淡既湯底飲落十分鮮味，加個烏冬一齊食就完美🥟解酒煎餃子($68)餃子外皮酥脆，裡面包住豬肉、蔬菜同粉絲，飲完酒食返幾隻既可以解酒又夠飽肚🍷覆盆子酒（$130）果香四溢，味道酸酸甜甜，入口好清爽。覆盆子的香氣濃郁，酒精度適中，男女都岩飲