起鍋 (已結業)

灣仔呢間起鍋一月啱啱開幕，主打食本地騸牯牛，仲可以試到好多刁鑽部位，鐘意食靚牛既一定唔可以錯過～📍至尊二人套餐首先由牛肉開始講起，佢哋用嘅騸牯牛，每日只係得5-6 隻，牛喺一歲左右就遭閹割，所以喺激素嘅影響下，佢哋嘅脂肪比例會更顯均勻～餐廳仲會提供好多款刁鑽牛部位比大家，我哋今次食嘅腩頭同埋扒底尖。前者係指牛嘅背闊肌，油花均勻，口感爽脆嫩滑，只需輕灼幾秒，會更加帶有嚼勁。後者係指後髀最中心嘅肉，無筋，油脂香味好濃，口感會偏韌，所以灼5秒左右就可以。📍胡椒蘿蔔牛筋腩湯底店員攞住一大條牛筋腩即場黎剪，再加埋牛骨白蘿蔔等熬製，湯頭超足料，而且飲得出係完全零味精，未開始打邊爐我地已係咁飲超多碗，冬凍冰冰飲完勁暖胃勁舒服📍五頭南非鮑魚肉身超厚飽鮮甜得黎爽口彈牙😍📍自製手包餃子兩款韭菜豬肉餃同大頭菜黃芽白豬肉餃，我就鐘意黃芽白味道無咁濃～～📍自製特色丸子兩款梅菜豬肉手工丸有港式家鄉風味，反而冬陰公墨魚丸好有驚喜，香料味濃郁好特別～📍自家製炸魚腐即叫即炸，魚肉軟淋淋好香好味～📍水雲麵：用沖繩嘅海藻所做嘅麵，麵身帶有日本紫菜香味，煮2.5-3分鐘，入口爽滑有嚼勁，口感一流～📍本地農場供應嘅有機蔬菜，M