影片
更多
2025-02-20
149 瀏覽
食過番尋味，再戰燒烤堂自從同朋友去過燒烤堂之後就返唔到轉頭，環境闊落而且食物款式多，同老公講過好幾次想一齊再去食都未就到時間，今次放假去開尖沙嘴終於可以一齊去食😋焦糖青蘋果鵝肝多士 │ $108必食推介‼️ 鵝肝入口即溶，加上香脆牛油多士，仲有焦糖青蘋果減輕油膩感，滿口都係油脂香，味道層次豐富蒜蓉燒蠔（兩隻） │ $48大大隻肥美生蠔一定要趁熱食大量蒜蓉加埋少少指天椒，非常惹味鹽燒原塊雞皮 │ $22小朋友至愛，手掌咁大塊雞皮燒得勁香勁脆，完全無多餘油脂，本身已經order 兩塊想俾老公試下，點知小朋友一見到已經成碟直接搶走，結果老公只係可以分到一小塊😅鹽燒白鱔 │ $48魚皮焦香，魚肉非常鮮味爽口，老公讚不絕口另外仲order咗好多款串燒，香辣雞腳筋（$18）同川燒蒜蓉茄子（$36）都係送酒恩物，另外仲有小朋友每次必食鰻魚炒飯 （$58），Sapporo 生啤（$48）依然做緊買一送一優惠，試過幾間分店都一樣可以保持水準，絕對係超滿足的串燒體驗
自從同朋友去過燒烤堂之後就返唔到轉頭，環境闊落而且食物款式多，同老公講過好幾次想一齊再去食都未就到時間，今次放假去開尖沙嘴終於可以一齊去食😋
焦糖青蘋果鵝肝多士 │ $108
必食推介‼️ 鵝肝入口即溶，加上香脆牛油多士，仲有焦糖青蘋果減輕油膩感，滿口都係油脂香，味道層次豐富
蒜蓉燒蠔（兩隻） │ $48
大大隻肥美生蠔一定要趁熱食
大量蒜蓉加埋少少指天椒，非常惹味
鹽燒原塊雞皮 │ $22
小朋友至愛，手掌咁大塊雞皮燒得勁香勁脆，完全無多餘油脂，本身已經order 兩塊想俾老公試下，點知小朋友一見到已經成碟直接搶走，結果老公只係可以分到一小塊😅
鹽燒白鱔 │ $48
魚皮焦香，魚肉非常鮮味爽口，老公讚不絕口
另外仲order咗好多款串燒，香辣雞腳筋（$18）同川燒蒜蓉茄子（$36）都係送酒恩物，另外仲有小朋友每次必食鰻魚炒飯 （$58），
Sapporo 生啤（$48）依然做緊買一送一優惠，試過幾間分店都一樣可以保持水準，絕對係超滿足的串燒體驗
張貼
