Grill ขนทอง (駱克駅)

營業中

休息中

之前經過蘭桂坊已經想試呢間泰國餐廳，但每次經過都無位。好彩今日經過銅鑼灣分店有僅餘嘅空位，我即刻霸左位先🤣餐廳係自助形式，客人喺門口落單之後再搵位。餐廳環境一目了然，面積唔大。- 泰式酸辣豬頸肉沙律豬頸肉充滿炭燒香味，肉質唔韌，份量多大約十片。至於蔬菜有芹菜、洋蔥、紅蘿蔔等等，味道都幾辣。- 泰式串燒雞肉配炒飯及雜菜呢個套餐真係幾抵食，雞肉串燒有三串，嫩滑多汁。飯炒得好香，入面仲有豆角，口感更豐富。串燒下面有椰菜。串燒方面，我哋叫咗四串，包括白鱔、雞皮、有機蘆筍同白豬肉腸。每一款串燒都係獨立包裝，包裝紙幾有質感。BB型狀既蘆筍好爽脆🤩雞皮同平時食嘅日本雞皮好唔同，日本雞皮好乾身而且好脆，泰國雞皮完全唔脆，但油脂非常豐富。白鱔好出色，肉質爽口，配上酸辣醬非常惹味。白豬肉腸都非常唔錯👍🏻整體而言，餐廳嘅串燒幾出色，難怪每次經過到好多人排隊。