影片
以上資料只供參考, 請與餐廳確認詳情
相關文章
🐖 豬頸肉（$25)豬頸肉烤得惹味唔乾柴，仲帶有香口脆邊🤍 白豬肉腸（$26）豬肉腸燒得好juicy，豬肉味濃仲帶有淡淡黑椒味道，唔會好辣🦑 魷魚鬚（$25）魷魚鬚彈牙有嚼勁，烤得啱啱好唔會過火，加上用左青辣椒醬燒，係三串串燒中辣度比較高嘅，而且佢唔係死辣，啲辣慢慢滲出，香辣惹味好過癮🐓 泰式去骨海南雞飯餐（$69）海南雞係去左骨嘅啱晒我呢啲唔鍾意噒骨嘅懶鬼，食落去啖啖肉，雞肉好嫩滑而且脂肪唔多唔肥膩，蘸上甜嘅黑醬油/泰式酸辣醬就更惹味；油飯清香唔油膩偏乾身，米飯粒粒分明；跟餐仲免費送一杯奶茶/檸檬茶，凍熱同價，呢個套餐仲係全日供應💚 泰式青咖喱大魚蛋（$28）青咖喱嘅椰香味濃，帶有少少辣，咖哩汁份量唔少，魚蛋大大粒，爽口彈牙唔粉❤️🔥 冬蔭功湯（$40）冬蔭功湯濃郁足料，有蝦同草菇，酸辣層次豐富，除咗有蝦嘅鮮味，仲飲到好突出嘅香茅同檸檬葉味道，熱辣辣好暖胃🐦🔥 泰式酸辣鳳爪（杯裝）（$36）份量頗多有5-6隻，鳳爪帶有軟骨有嚼勁，入面仲有洋蔥，紅蘿蔔同芹菜，雖則話係酸辣，酸味味道比較突出，酸酸味味好開胃，辣味唔算重🇹🇭 大半年前同朋友系銅鑼灣店食過一次，今次到訪食物同服務質素依然保持高水準👍🏻
繼續閱讀
喺銅鑼灣嘅Grill Cambo同朋友食咗一餐平靚正嘅泰國野. Grill Cambo就喺Sogo後街地鋪, 餐廳門口櫥窗度排住一排嘅串燒, 經過嘅時候仲可以聞到陣陣串燒香, 一陣陣炭火味飄出嚟, 行過忍唔住要入去食小小嘢🙂↕️ 餐廳牆上充滿玩樂感嘅塗鴉壁紙, 座位好闊落, 好適合同一班朋友一齊黎食飯. 我見而家有推出午市套餐, 唔洗$80蚊包埋嘢飲, 喺銅鑼灣嚟講係好實惠又唔失份量, 堅抵食❤️ 我哋點咗青木瓜手撕雞沙拉, 雞肉嫩滑有層次感, 同青木瓜嘅清脆相襯, 感覺非常清新. 仲有泰式海南雞飯, 飯粒香軟. 海南雞配搭泰式辣醬係我既最愛, 再配埋清新既檸檬茶, 感覺好夾. 我地再嗌埋雞肉同豬頸肉串燒. 佢地啲串燒好香, 燒得唔燶啱啱好. 雞肉串外皮香脆, 肉質多汁❤️加上冬陰功湯酸辣開胃, 幾樣嘢各有特色. Grill Cambo嘅泰國餐都幾正宗, 以呢個實惠嘅價格同舒適嘅用餐環境, 喺銅鑼灣行攰左都可以黎呢度食下串燒休息下💛個人必食推介: 泰式海南雞飯, 串燒返食指數: 🥑🥑🥑🥑 (5🥑滿分)#青木瓜手撕雞沙律 ($69)#泰式去骨海南雞飯 ($69)#豬頸肉串燒 ($25)#雞肉串燒 ($18)______________________________📍 Grill ขนทอง (駱克駅) (銅鑼灣)銅鑼灣駱克道487-489號駱克駅地舖#instafood #instafoodie #foodiegram #drinkdrinkeateatguide #drinkdrinkeateatguy #駱克道 #銅鑼灣 #銅鑼灣美食 #DE港島篇 #食好西 #泰式串燒店 #啤酒 #快閃泰國 #街頭小食 #泰式海南雞 #惹味之選
繼續閱讀
現在晚巿食肆，堂食普遍早截單、收工，往往做一輪就沒有下一輪。走到銅鑼灣才晚上8:30，想吃的榮記車仔麵已經截單，準備收舖。放是沿着Sogo後街走，看看有哪些好吃的店舖。來到Grill門前，記起它是中環蘭桂坊有名氣的串燒店，覺得分店也不錯吧，而且有堂食位置，就試試。不想吃飯，沒有點跟飯的套餐，反而點了 #手撕雞木瓜沙律🥗、#燒菠蘿🍍、#燒魷魚鬚🦑。沙律餐跟飲品🥤，凍檸茶，夠茶味，檸檬片🍋較少。#手撕雞木瓜沙律🥗，味道尚可，手撕雞大多是雞胸肉，不知是否雪得耐，還是攤在室温一些時間，覺得太腍太散。沙律汁淡了一點，但可接受。#燒菠蘿🍍有驚喜，熱呼呼的（內裡都夠熱），外面烤得脆，好像吃焦糖燉蛋的脆焦糖一樣。😋失望的是 燒魷魚鬚🦑，是涼的，不熱！😣怎麼串燒會是涼的。。。失望。但愈夜愈有客，可能附近很多食肆已收工，又或者它的套餐跟飯會好吃一點吧。
繼續閱讀
今日晚餐揀咗位於銅鑼灣駱克道嘅 Grill Cambo，主打泰式燒烤料理。餐廳採自助形式，先喺門口買餐、拎號碼牌，然後入內等職員送餐。店內坐位設計偏向快餐風，全部高腳椅，坐得唔算太舒服，適合快快食完就走人。我叫咗一份雞腿肉配燒雞炒飯餐，炒飯炒得乾身，飯粒分明，雞腿肉燒得香口入味，配搭得幾好；餐飲係凍檸檬茶，味道正常，作為配餐夠解膩。另加一份雞中翼，皮脆肉嫩，有炭燒香氣。泰式魚餅帶微辣，外層炸得香脆，魚肉彈牙，有泰式香料香，屬推薦小食。整體來講，Grill Cambo 係間走快捷路線、食物味道有誠意嘅小店，用餐體驗一般但價錢合理，如果唔介意快食快走，偶爾想食少少泰味都係唔錯選擇。
繼續閱讀
想起吃串燒,這間泰式串燒店必定是不二之選!看着廚師在櫥窗位置不停翻滾串燒,傳來陣陣焦香味道,行過總被長期引誘.發現近來更新了餐牌,選擇更多!串燒飯系列除了傳統的那個香辣底惹味的炒飯,更添加菠蘿炒飯選擇,迎合到不愛好辣味的朋友.除此之外, 泰式豬手豬髀飯及泰式去骨海南雞飯也是午餐好選擇~各款串燒質素依舊的好,不乾身又惹味,配搭上不同醬汁更是滋味!而且營業到凌晨5點半,確是宵夜首選~▫️海南雞飯·凍檸茶($69)▫️泰式串燒配菠蘿炒飯($72)▫️豬頸肉($25)▫️魷魚鬚($25)▫️豬肉($20)▫️雞中翼($22)
繼續閱讀