影片
更多
2023-01-08
54 瀏覽
串燒、燒賣、煎釀三寶、銀針粉都好高質～～～週末過嚟車公還神之後，再喺大圍附近覓食。大圍一向都出名多美食，諗黎諗去唔知揀咩好，最後就比地鐵站對面嘅呢間小食店吸引咗過嚟。之所以被吸引，除咗係聞到香味之外，仲係因為店前人頭湧湧。～～～佢哋嘅食物選擇種類好多，喜愛掃街嘅朋友仔（me）絕對係會失心瘋地不斷order，反正今晚除夕夜，就決定叫一大堆返屋企同家人分享。☺️～～～（$15）1底嘅格仔餅同雞蛋仔 ，住開港島，真係好耐冇見過咁嘅良心價錢。叫咗雞蛋仔試下，口感彈牙，蛋香出。～～～🍢店內仲有串燒賣，我哋就買咗豬頸肉、雞肉同龍蝦丸嘅串燒。口味方面，有好多種調味可以選擇，例如有孜然、咖喱、七味、香茅、黃薑、辣椒、黑椒等等。個人就覺得肉類配孜然粉最夾，丸類就啱配蜜糖。～～～佢哋嘅燒賣魚蛋都見到好多人買，咁啱見到佢哋供應商送貨，燒賣係用好出名嘅金龍燒賣，用料靚，難怪咁多人買。港式咖喱三寶嘅咖喱汁味道調配非常到位，鹹甜適中，蘿蔔嫩口無渣，🐖豬皮爽口彈牙。韭菜豬紅豬腸亦非常入味，豬紅滑溜，豬腸帶脂香但無腥，清潔得好好。～～🥢主食方面，佢哋有銀針粉、狗仔粉、油渣麵、糯米飯等等，分量全部都好足，而且而家好多小食
～～～
週末過嚟車公還神之後，再喺大圍附近覓食。大圍一向都出名多美食，諗黎諗去唔知揀咩好，最後就比地鐵站對面嘅呢間小食店吸引咗過嚟。之所以被吸引，除咗係聞到香味之外，仲係因為店前人頭湧湧。
～～～
佢哋嘅食物選擇種類好多，喜愛掃街嘅朋友仔（me）絕對係會失心瘋地不斷order，反正今晚除夕夜，就決定叫一大堆返屋企同家人分享。☺️
～～～
（$15）1底嘅格仔餅同雞蛋仔 ，住開港島，真係好耐冇見過咁嘅良心價錢。叫咗雞蛋仔試下，口感彈牙，蛋香出。
～～～
🍢店內仲有串燒賣，我哋就買咗豬頸肉、雞肉同龍蝦丸嘅串燒。口味方面，有好多種調味可以選擇，例如有孜然、咖喱、七味、香茅、黃薑、辣椒、黑椒等等。個人就覺得肉類配孜然粉最夾，丸類就啱配蜜糖。
～～～
佢哋嘅燒賣魚蛋都見到好多人買，咁啱見到佢哋供應商送貨，燒賣係用好出名嘅金龍燒賣，用料靚，難怪咁多人買。港式咖喱三寶嘅咖喱汁味道調配非常到位，鹹甜適中，蘿蔔嫩口無渣，🐖豬皮爽口彈牙。韭菜豬紅豬腸亦非常入味，豬紅滑溜，豬腸帶脂香但無腥，清潔得好好。
～～
🥢主食方面，佢哋有銀針粉、狗仔粉、油渣麵、糯米飯等等，分量全部都好足，而且而家好多小食店都冇呢d特別嘅粉類，呢度幾乎有齊晒，真心羨慕大圍人。糯米飯好足料，而且仲可以另外加$10加臘腸/潤腸，好正。
～～～
見到好多人叫煎釀三寶，我哋亦跟住湊熱鬧，
冬菇、紅腸、番薯、西蘭花、🥟餃子（有韓國同埋自家製辣菜圃餃子）、豆腐、尖椒、魚蛋等等，款式算係非常之多。煎釀三寶最緊要就係香脆，由於佢哋人流量好大嘅關係，嘢食去得好快，所以全部都熱辣辣又香脆，高質。
～～～
大圍小食 (大圍)
大圍富嘉花園22號地舖
張貼
