銀杏館

營業中

休息中

中秋夜獨自一人，身處油麻地要隨緣搵食，踱步到平安大廈自然走上銀杏館開餐。推門看見原先雅致包廂放滿派福飯物資，無阻熱情銀髮哥哥姐姐招待，未坐定已發現有銀髮靚聲歌手座陣，人頭湧湧，意想不到被安排坐喺歌手正前方一張二人小桌，超等位，驚喜不已。餐牌由幾年前越南菜變成粵菜，同樣喜歡，隨便叫份清蒸𩶘魚，製作稍為需時，等候期間，歌手哥哥歌聲及間場輕鬆與台下觀眾對話全無悶場，非常有氣氛。歌手比Joe Junior年長少許，曾在銅鑼灣怡東酒店餐廳與菲律賓樂隊長期合作，講到七公主王愛明英文了得，隨即電結他自彈自唱多首歐西流行金曲：記憶塵封已久嘅Chad and Jeremy作品The Summer Song，不得了，中間再玩左幾支可以跳社交舞嘅節奏老歌，鄰桌哥哥姐姐大跳冧巴、牛仔，舞姿專業，明顯係老舞高手，再來一支Johnny Kidd & the Pirates嘅Shakin’ all over，另一桌一位姐姐直情寶珠姐上身，姐姐嘅朋友拍拍我膊頭話，姐姐以前係教跳舞的，我連連點頭陪上燦爛笑容。到清蒸𩶘魚上枱嘅時候，歌手繼續以國語、廣東流行歌曲招呼，食材非常新鮮，簡單直接。最妙係歌手嘅完場曲係鄭少秋嘅楚留