銀杏館

營業中

休息中

食肆位於舊樓,有啲難揾,一行五人,下單6個餸,包括菠蘿咕嚕肉、豆腐煲,蒸魚,椒鹽九肚魚,雞及油麥菜。超贊椒鹽九肚魚,外脆內軟,調味適中。鮮菠蘿炒咕嚕肉都好好味。雞、魚和菜都好新鮮,味道很調和。全部職員服務態度良好細心,現今香港難得的消費經驗,讚！讚！讚！

樣樣都好食，我自己覺得我地叫咗啲嘢裏面特別出色有梅子鴨、 炒麵、小炒王、有機薑炒有機芥蘭（餐牌系咁寫的）。不過其他都好味道：蘿蔔牛腩，還有燜豬手、蒸鳝、苦瓜燜倉魚、 墨魚餅（樂遊卡優惠）。經理話炒飯更出色！今日叫咗好多味，而份量好足，所以為有下次再來食和聽！大家下次聚餐可以考慮銀杏館（油麻地店），好值得支持嘅社企：好食、抵食、氣氛好、銀髮好歌手自彈自唱（可以點唱）.....正❤️有樂遊卡重有優惠，服務又好，超值！下次聚會一定要再支持！

三五知己特別選擇了支持長者就業的社企《銀杏館》來慶祝生日。第一次幫襯油麻地店，懷舊的裝潢設計，加上有長者歌手獻唱懷舊歌曲伴餐，撇開食物質素，已叫年長客人懷緬一番了。持有樂悠卡可享$2小食，六位更獲雙份。我們六位只點了一個4人套餐，包括有燉湯、前菜小吃兩份、主菜和炒有機蔬菜。意想不到$2優惠和前菜的份量與主菜相等，即是4人餐就有8餸1湯，原本還想加多份孖寶和板沙芋，最後都放棄，吃得飽飽了。整體餸菜品質不錯，尤其是前菜豬手薄片、燉湯、招牌碌鵝和醬油雞。可能是我們的味覺不專業，碌鵝、油雞和鵝掌的茨汁略為接近，多食便太咸味，下次要轉食其他菜式，例如九吐魚和咕嚕肉啊！埋單1300蚊，抵食兼達到支持社企目標，值得推薦。長者侍應手腳反應可能慢少少，但他們殷勤有禮的招待，值得尊敬的，還有點不好意思要長者服侍我們這幾位比較年輕啲啲的晚輩哩！

每晚都有live music, 喜歡聽歌既朋友應該會很開心唯一一個唔好既係餐廳地方不大, 音樂略為大聲, 如果要傾計就要好大聲講對方先聽到食物好有穫氣，睇得出係即叫即整，每碟一上枱熱氣騰騰，炒硯好惹味，完全無沙，又好足份量，真係值得一試另外有個松子仁海爐魚，醬汁配搭得宜，甜甜地好開胃，而鐵板菇菌炒雞肉呢個係招牌菜，有少少辣，同樣係幾惹味，但對於菇既期望本身少少高，但呢個就一般般，有少少失望整體而言，好滿意食物質素及份量，更重要既係支持長者就業同社企營運，希望有更多人欣賞小店既食物同精神啦！ps: 有樂悠卡既話，午市、晚市主菜單食物有85折（套餐除外），另外滿指定消費仲有額外一份食品贈送，我地當晚送了煎墨魚餅順帶一提，呢度有仲茶位，每人$8，另外有加一收費，下面有一些餐牌俾大家參考一下

門面用咗霓虹燈燈牌超復古超靚❤️‍🔥餐廳入面嘅裝修都好有格調好多唔同款嘅中式小菜可以揀味道都唔差😋😋😋啤酒總會連埋個戰鬥碗俾你勁盞鬼！！最特別都係有駐場歌手彈住結他唱民歌成間餐廳非常有氣氛❤️‍🔥三五知己過嚟食小菜啤啤佢一定超正銀杏館旗下嘅咁多間餐廳最吸引一定係呢一間佢哋依然係主打長者就業 有機蔬菜等等能夠將復古懷舊同埋新時代嘅特色合併一齊我可以話呢一間完全係「食環境」「食氣氛」當然嘢食都好唔錯

今日同老爸搵個舒服的餐廳食飯傾偈，原來我老爸一早已經知道《銀杏館》呢間社企，咁就直接約咗佢係餐廳樓下集合啦！離遠望到我老爸喺地下門口，望咗好耐都唔敢上樓，因為條樓梯做緊工程，我就帶佢入大樓搭𨋢 。餐牌食物選擇好多，因為心大心細，直接叫咗份「二人套餐」，有2個湯、1個小食、2個主菜、1碟有機炒菜 。套餐我哋三個人食，後來再額外加多個餸，到最後都係食唔晒要打包 。埋單嗰時先知，原來長者咭仲有折扣優惠🤍豐富的晚餐！

银杏館面世時，已經知道佢的理念，只係一直只幫襯銀杏士多，未有機會嚟餐廳食嘢。今次朋友揀咗呢度，貪佢有肉有菜，作為聚餐地點。我哋4個人，點咗1個2人餐，跟餐加咗1客甜品，另外點咗2個小菜。五指毛桃百合海底椰陳皮湯：帶海底椰香味，湯渣有雪梨同少量豆，湯比較清，味道唔錯；餐牌上的單點售價係$98，侍應話份量同二人餐無異，供1-2位用，而這款湯品（已煮）喺銀杏士多有售，仲平好多添（$2x）鮑魚花膠響螺淮山杞子燉老雞：朋友讚味道幾好，湯料比素湯多，睇落足料脆皮豆腐：脆皮薄而酥脆，但同豆腐分離，而且冇乜味；附上泰式甜辣醬，可能要點醬先夠味白灼芥蘭：菜幾嫩，唔多渣，冇苦味，佢係連菜花一齊白烚素XO醬木耳香菇炒蓮藕：食唔出XO醬的味道；食材多樣，有西芹、黑木耳、蓮藕、蓮子、馬蹄、珍珠荀同雜色甜椒等，材料新鮮，味道清新牛柳粒炒蘆筍：蘆筍好嫩，係幼身、細條的品種；炒得香口，仲有少量雜色甜椒同洋蔥塊清蒸珍珠斑：蒸得啱啱好，易起肉；朋友話魚有啲腥，最後食剩咗1/4條醬油雞：上檯時已經聞到好香，朋友話雞件滑；有半隻雞，最後食唔曬而打包咖啡雞蛋布甸：2人餐+$28可以加選1客（原價$48）；布甸質感又滑又濃厚（可

🍽️食物方面： 🐷沙薑豬手飯💲148出色濃味嘅冷盤 叔叔話我哋識食🪿豉椒鵝腸💲118少少鹹啱送飯 有3色椒💥香江小炒王💲128有魷魚,叉燒,韭菜,芽菜,脆嘅芋頭絲🥬銀杏腐竹杞子浸有機菜💲138係浸淋咗嘅炸枝竹 湯幾好飲🍚闊佬炒飯💲148唔好食 飯偏硬 1隻鮑魚,瑤柱,叉燒,蝦米🎂切餅費 人頭收💲10 好佛心📷打卡方面：有貼紙寫住薑越老越辣🔈環境方面： 好易行過龍miss咗棟大樓入到去要行樓梯有live聽但好大聲有曲奇/芝麻糕/醬料賣💬其他資訊： 銀杏館 📍油麻地彌敦道385號平安大樓1樓20號舖💰收+1, 人均💲200ℹ️Down app做會員 主餐牌有85折

午餐都唔貴，而且有半自助餐湯沙律甜品及飲品任食，所以可以講話超值。食物質素不過不失，沙律菜新鮮 ，飲品亦有蘋果汁橙汁及即磨咖啡，今日嘅湯就係素湯，都幾好飲， 我都飲咗三碗。飯後有免費糖水，今日係粟米馬蹄糖水，不過不失啦。而且仲有橙畀你食，我都食咗超過一個橙。

絕對大贊個湯，夠新鮮夠足料，好味碟碟餸大大碟，三個人叫兩人餐都食唔哂。好抵食。真的要大贊湯，兩款唔同口味，但燉得夠火喉，超級入味，湯料超足。有歌手唱live, 好有情調，可以跟住一齊唱，由晚上6點唱到9點，真的好有現場氣氛。環境好懷舊，環境及卡坐比想像中好坐，好喜歡這里環境。影相特有特別同懷舊感。朋友介紹，第一次來，下次一定會再來幫襯。耆英級服務員態度超級好，非常熱情同好服務。地方也很干淨，洗手間也很干淨。

銀杏館呢間分店開喺油麻地一棟舊樓入面，行樓梯係快過等笠！午餐每日都有沙律吧：。薯仔沙律。車厘茄。涼拌大豆芽。雜沙律菜熱嘅仲有是日例湯、白飯白粥同糖水另一邊又有咖啡茶、羅漢果水、檸檬薏米水等等主菜1：蘿蔔牛腩碟頭飯份量，蘿蔔未被炆淋，依然有啲天然爽牛腩淋而不散，仲維持少少膠質，個汁好好餸飯主菜2：蟲草花蒸雞一上枱香噴噴，蟲草花嘅香氣，雞肉嘅鮮味陣陣飄來！可惜雞肉過晒火，好硬好實。。。。。主菜3：砵仔蒸魚飯建議落多啲豉油，因為本身隻魚係冇油份，飯唔太吸收到魚嘅味道，加上冇醃 / 調味，只可以靠後天嘅豉油提升！砵仔蒸嘅飯粒係好食，但唔及煲仔飯果種焦香吸引仲有係加入銀杏會員，午餐有8折抵食

食過上環果間銀杏館味道可以，諗住支持吓銀髮事業同朋友黎平安大樓這間銀杏館試吓！ 見到有古老餸：蓮藕餅（佢中英文都寫明係豬肉） 當然會叫來試吓 點知一食就發現係魚肉😑 叫一知唔食魚㗎人食魚肉都係想咸🤣個小食黑松露炸雞🍗仲慘 又乾又咸啲肉仲要係黑色😑 點解會咁樣個蝦醬時菜海鮮煲 香就好香啦 但啲魷魚🦑overcook 啲菜咸到食唔到🤣唯一食到的是手拍青瓜🥒🤣! 好難去食第二次

今日下午揀咗三味食物，京蔥炒牛肉：牛肉好好食又夠鑊氣， 蝦仁炒蛋：蝦仁夠爽無乜味道、蛋就炒得好滑入味， 面醬蒸鱸魚：鱸魚新鮮麵醬夠濃味，甜品芝麻糊：太甜，男收銀員推介它的食物，順便反映甜品過甜，他話糖水唔甜就唔係叫糖水，你覺得甜就可以唔好食，咁嘅服務叫人覺得奇怪，不過我都無食過芝麻糊，以前食過太甜不想再試，朋友食話太多糖，以為比小小評價給他們，換來叫我們唔好食，他的態度極惡劣，其他待應個個都好熱情招待，唯獨個阿頭收銀的態度最差有待改善，希望《銀杏館》高層改善吓員工的態度！

八十年代尾，香港有好多民歌餐廳，歌者喺小舞台上自彈自唱！記得有晚，一位大約20歲少女，手抱結他唱出呢首歌“應怎麼啟齒，讓我向你告知……”從此，我愛上呢首歌，仲有少少愛上呢位少女！你一定會問，邊解食評會寫呢D？唔得咩？因為呢個就係我食完【銀杏館】嘅感受！餸菜好唔好味已經係次要(其實都真係算OK)【銀杏館】幫助退休長者就業，都唔係重點(但又真係幾有意義)我一邊食一邊諗，當日嘅少女，今日都應該五十幾歲，再望吓台上唱緊歌嘅Auntie，唔會咁橋係佢吖嘛……但點都好，呢種食肆真係買少見少，絕對值得大家再三回味！

銀杏館是長者就業的社企餐廳，是一個非常值得一試的餐飲選擇。他們不僅提供美味可口的菜式，更重要的是提供了長者就業的機會，讓他們能夠發揮所長，重拾自信。每個侍應都笑容一流，又細心又體貼的服務。至於食物，首先叫左 咕嚕肉既不會過於油膩，也不會過於酸甜，偏乾身的。金銀蛋莧菜 是一道有營養的蔬菜，莧菜有湯作伴。蓮藕餅是一道特色小吃，外酥內軟，蓮藕的清香與外層酥脆的質地形成強烈對比，很有層次感。最推薦的！！！最後的炒飯，有各種配料的味道，都係偏乾身。最有香港特色的，是有叔叔彈結他，好好聽的歌，又好簡樸，舊香港的感覺！總的來說,這裏的菜式ok，服務員一流👍🏼而且價格實惠算是不錯，更重要的是能夠為長者提供就業機會，感受老香港情懷，一支結他將歌聲給每枱客人，值得大家前往一嘗。