影片
更多
2023-04-05
198 瀏覽
假期前夕需要美食放鬆 😋 兩個女仔最適合搵間有酒飲嘅靚餐廳黎返個漫漫長夜 girls‘ talk 😌 今次特登去左我一直想去嘅小包包 😍 中式蒸包整嘅西式漢堡 🤤 估唔到除左包包好食，小食同 cocktail 都好唔錯 🫶🏻沙薑薯條 (Seasonal Menu)完全估唔到將沙薑放入薯條度係咁夾！幼身嘅薯條炸得好香脆，沾滿沙薑，入口勁惹味 🤤 點埋嘅沙薑沙律醬，沙薑味 double up 😍 香口到一個點，一定要試 😍LB 凱撒沙律呢個沙律真係一 d 都唔簡單 🙈 相信大家媽媽應該都有煮過豆豉鯪魚油麥菜，呢度直接將呢幾樣嘢變成一個沙律 😆 爽甜嘅菜配合鹹香嘅豆豉同埋鯪魚，就咁聽覺得好奇怪，但原來個味道好夾，鹹鹹地反而帶出菜嘅甜味，好醒胃 😋天婦羅軟殼蟹包 (Seasonal Menu)重點來了 🤩 睇住店員喺個蒸爐度拎熱辣辣嘅蒸包出嚟煎一煎個面，跟住再放上炸到好香脆嘅軟殼蟹，不得不提個軟殼蟹真係處理得好好，配合埋酒糟白麵豉，又脆又香口，但就一啲都唔油膩，唔會食到成口油咁 👍🏻 成個包最畫龍點睛嘅就係佢個蟹籽蘿蔔沙律，超級 fresh，完全提升到軟殼蟹嘅鮮味，減低食炸嘢嗰種Heavy嘅感
沙薑薯條 (Seasonal Menu)
完全估唔到將沙薑放入薯條度係咁夾！幼身嘅薯條炸得好香脆，沾滿沙薑，入口勁惹味 🤤 點埋嘅沙薑沙律醬，沙薑味 double up 😍 香口到一個點，一定要試 😍
LB 凱撒沙律
呢個沙律真係一 d 都唔簡單 🙈 相信大家媽媽應該都有煮過豆豉鯪魚油麥菜，呢度直接將呢幾樣嘢變成一個沙律 😆 爽甜嘅菜配合鹹香嘅豆豉同埋鯪魚，就咁聽覺得好奇怪，但原來個味道好夾，鹹鹹地反而帶出菜嘅甜味，好醒胃 😋
天婦羅軟殼蟹包 (Seasonal Menu)
重點來了 🤩 睇住店員喺個蒸爐度拎熱辣辣嘅蒸包出嚟煎一煎個面，跟住再放上炸到好香脆嘅軟殼蟹，不得不提個軟殼蟹真係處理得好好，配合埋酒糟白麵豉，又脆又香口，但就一啲都唔油膩，唔會食到成口油咁 👍🏻 成個包最畫龍點睛嘅就係佢個蟹籽蘿蔔沙律，超級 fresh，完全提升到軟殼蟹嘅鮮味，減低食炸嘢嗰種Heavy嘅感覺，令人越食越想食！
魚包 2.0
佢哋個包真係好好食呀 🤤 暖暖地又軟軟熟熟咁，勁香 👍🏻 塊比目魚勁厚身，炸到剛剛好，加埋用火槍微微燒過嘅切打芝士，好香濃，魚味滿滿加上芝士嘅鹹香，好高質啊 😋
榛子意式雪糕包 (Seasonal Menu)
今次試左期間限定嘅口味～ 榛子 gelato 配上海鹽 nutella 忌廉醬，再配上黑朱古力碎，榛子味極濃，海鹽更加係畫龍點睛～ 全個配搭唔會好甜，仲有個炸得香脆嘅炸饅頭包住，呢個配搭好無敵 😍
綠茶雪糕包
炸饅頭、綠茶雪糕，仲有炸饅頭嘅好朋友 - 煉奶！😍 完全就係中式名物用西式方式呈現，並且將味道推上左另一個層次 🤤 綠茶雪糕好香，唔會好甜，所以就算加左煉奶都唔會好漏，個包勁脆但唔乾，雪糕包真係 must 叫，信我 🤤
Kyoho G&T
Dry gin 配上巨峰提子同埋柚子，入口好香葡萄味，之後慢慢就有柚子香，fruity 甜美，好適合女孩子嘅一款 cocktail 💕
Sunday‘s Hi
朋友呢款係 whiskey 配柚子同梳打，入口超香柚子味，fresh 得黎都香甜，唔錯 🍻
Chris’ Lemonade
呢個配搭好特別！ Vodka 配菊花 Lemonade，加埋蜂蜜同薑 😆 朋友話呢個相對我地之前點嘅無咁甜口，有薑嘅 after taste，幾唔錯 👍🏻
Bar 檯嘅設計可以睇到包包嘅製作，睇住 d 包包係嘅蒸爐度熱辣辣咁，好滿足 🤤 餐廳環境好 chill，好適合 happy hour，大家傾下計、放鬆下 🫶🏻
張貼
