餃掂手工餃子雲吞專門店

前排喺中環嗰邊返工，Lunch諗唔到食咩，所以就入咗去試吓，同同事一齊share叫咗兩碗餃子再加一個小食，叫咗個湯餃-至尊松茸豬肉餃配狀元九鼎湯，碗湯好足料，完全冇落味精，好好夠味道，而且冇湯渣！而且仲可以配自家製辣菜譜添，至尊松茸豬肉餃好有淡淡的松茸香味，另外，仲叫咗個煎龍鳳松茸餃，佢哋分別mix左黑松露同白松露喺個餃裏面，有淡淡的松露香😝至於小食方面呢，我哋就揀咗個涼拌黃金皮蛋，同平時食開嘅皮蛋嘅蛋黃有啲唔同，有啲流心同好靚，至於飲品我哋就叫自家製山楂雪梨水同蜂蜜檸檬薏米水，山楂雪梨水好清甜，檸檬薏米水好滋潤😀