影片
更多
2024-05-17
29 瀏覽
最近👦🏻喺中環附近搵食時就發現呢間點心相當精緻，餐廳裝潢就走簡約雅致風既點心/中菜店 - 飲茶！今次👦🏻👧🏻就揀咗食晚餐，又可以食點心，又可以食小菜同炒粉麵。🌟鴿吞鳳梨將鳳梨酥包裹成鴿子🐦形狀，外層嘅曲奇皮相當酥化，富有奶香，而內層嘅鳳梨餡餡料🍍感覺上有溝咗少少冬瓜蓉，不失鳳梨酸甜味又可以保留質感綿密。底層仲放咗少量椰絲裝作草地，十分有心思。🌟睇住流奶樣子鬼怪嘅奶皇包十分吸睛👀，夠曬可愛！奶皇包質感鬆軟，奶皇餡嘅鹹蛋黃味十分突出，超級流心，難怪菜式名就提咗大家要睇住流奶🤪！🌟千島明蝦角蝦角🦐外層炸得香脆金黃，內塵滿滿嘅蝦肉（就只食到啖啖爽口彈牙又鮮甜嘅蝦肉😍），蝦愛好者必食！！再點埋另外附上嘅千島醬，味道更豐富。🌟香烤蜜餞豚肉叉燒叉燒一上枱同食時，都聞到超級濃郁嘅玫瑰露酒香氣🍾，講到明係蜜餞，所以醬汁係偏甜同夠掛身。例牌份量嘅叉燒都唔少，肥瘦均勻，既可以食到好腍嘅豬肉，又可以咬到甘香嘅肥膏。🌟乾葱豆豉雞煲一如預料，雞煲熱辣辣送上同夠曬惹味！用咗乾蔥、大量豆豉嚟炒，香氣迫人！而雞肉🍗就用上雞柳，唔係連骨嘅雞，所以食落都係啖啖肉，非常嫩滑。🌟安格斯牛肉河本身覺得喺度叫乾炒牛河會唔會太曬Qu
🌟鴿吞鳳梨
將鳳梨酥包裹成鴿子🐦形狀，外層嘅曲奇皮相當酥化，富有奶香，而內層嘅鳳梨餡
餡料🍍感覺上有溝咗少少冬瓜蓉，不失鳳梨酸甜味又可以保留質感綿密。底層仲放咗少量椰絲裝作草地，十分有心思。
🌟睇住流奶
樣子鬼怪嘅奶皇包十分吸睛👀，夠曬可愛！奶皇包質感鬆軟，奶皇餡嘅鹹蛋黃味十分突出，超級流心，難怪菜式名就提咗大家要睇住流奶🤪！
🌟千島明蝦角
蝦角🦐外層炸得香脆金黃，內塵滿滿嘅蝦肉（就只食到啖啖爽口彈牙又鮮甜嘅蝦肉😍），蝦愛好者必食！！再點埋另外附上嘅千島醬，味道更豐富。
🌟香烤蜜餞豚肉叉燒
叉燒一上枱同食時，都聞到超級濃郁嘅玫瑰露酒香氣🍾，講到明係蜜餞，所以醬汁係偏甜同夠掛身。例牌份量嘅叉燒都唔少，肥瘦均勻，既可以食到好腍嘅豬肉，又可以咬到甘香嘅肥膏。
🌟乾葱豆豉雞煲
一如預料，雞煲熱辣辣送上同夠曬惹味！用咗乾蔥、大量豆豉嚟炒，香氣迫人！而雞肉🍗就用上雞柳，唔係連骨嘅雞，所以食落都係啖啖肉，非常嫩滑。
🌟安格斯牛肉河
本身覺得喺度叫乾炒牛河會唔會太曬Quota，估唔到係一個好正確嘅選擇！乾炒牛河夠晒有鑊氣，河粉條條分明有咬口。牛肉一咬就食到牛肉香，果然係用上安格斯呢啲靚牛肉，醃得夠腍但又唔似出面嘅醃腍到冇曬肉香。河粉好上色，味道唔會過咸。
張貼
